ESB, samtök fullvalda ríkja?

Eftir þessar nýjustu fréttir af yfirgangi ESB, hljóta ESB sinnar að spyrja sjálfa sig ýmissa spurninga?

Eða hvað finnst þér um þessa uppástungu Þjóðverja að ESB yfirtaki fjármál Grikklands? 

Ég vona að þessi frétt vekji ESB sinnaða Íslendinga af þyrnirósarsvefni.

ESB eru ekki samtök fullvalda ríkja, ESB eru nýju Sovét ríki Evrópu. 

Og það eru tvö ríki sem ráða öllu, Þýskaland og Frakkland.

Hin ríkin eru bara viljug fórnarlömb, alræðis.

ESB taki yfir fjármál Grikkja

Nokkrir áhugaverðir hlekkir

Á morgun verður haldinn borgarafundur um verðtrygginguna í Háskólabíó klukkan 20.00. 

Fyrsti hlekkurinn er á bloggið hennar Rakelar Sigurgeirsdóttur.

http://raksig.blog.is/blog/raksig/entry/1218838/  

Svo  er áhugaverð færsla hérna um lánin okkar.

http://www.gagnauga.is/index.php?Fl=Frettir&ID=4760 

Og svo þetta blogg hjá Daða Ingólfssyni.

http://www.dv.is/blogg/ding/2012/1/22/talid-upp-tiu/

Ætli vitnalistinn hafi haft einhver áhrif á þessa kosningu?

Ég fann vitnalistann á annarri síðu áðan og lítur hann þannig út, með einni breytingu. 

Einn maður á listanum er látinn og er þar af leiðandi ekki lengur á listanum.

"

Tveir ráðherrar í núverandi ríkisstjórn eru á listanum en öll stjórnin á hrunárinu þarf að bera vitni þau Ingibjörg Sólrún Gísladóttir, Björgvin G. Sigurðsson, Guðlaugur Þór Þórðarson, Jóhanna Sigurðardóttir, Össur Skarphéðinsson, Þorgerður Katrín Gunnarsdóttir, Árni Mathiesen, Þórunn Sveinbjarnardóttir, Einar Kristinn Guðfinsson, Kristján Möller og Björn Bjarnason.

Þá eru seðlabankastjórarnir fy...rrverandi, Davíð Oddsson og Ingimundur Friðriksson þarna einnig. Jónas Fr. Jónsson, fyrrverandi forstjóri FME og Jón Sigurðsson, þáverandi stjórnarformaður FME. Sturla Pálsson og Tryggvi Pálsson frá Seðlabankanum. Bolli Þór Bollason, Baldur Guðlaugsson og Jónína Lárusdóttir og Tryggvi Þór Herbertsson. Þá eru þarna bankastjórar allra stóru bankanna, Hreiðar Már Sigurðsson, Sigurjón Þ. Árnason, Halldór J. Kristjánsson, Lárus Welding og Sigurður Einarsson, fyrrverandi stjórnarformaður Kaupþings." 

 Ég er ein af þeim sem skilja ekki viðsnúning Atla Gíslasonar, Ögmundar Jónassonar, Guðfríðar Lilju Grétarsdóttur, Lilju Mósesdóttur og Jóns Bjarnasonar.

Maður spyr sig hver raunverulega ástæðan sé? 

Endilega látið mig vita. 

 

„Hafi þau skömm fyrir um aldur og ævi“

Því er öðruvísi farið hérna á Íslandi

Hérna eru skussarnir verðlaunaðir, þeir fá afskriftir, nýja skuldlausa kennitölu til þess að halda áfram að arðræna almenning, bankana í boði stjórnvalda og stjórnsýslunnar.

Hérna er það viðtekin venja að skussar fái allt upp í hendurnar, en litli maðurinn sem reynir að reka fyrirtæki þarf að keppa við þessa skussa sem aldrei borga skuldir. 

Svo eru það hinir sem skulda á eigin kennitölum, þeir eru að mér virðist aðal glæpalýðurinn í þessu þjóðfélagi. 

Þar er gengið að eignum, fólk borið út úr húsum sínum og þar koma stjórnvöld ekki til hjálpar, né stjórnsýslan. 

Viljum við virkilega lifa í svona spilltu þjóðfélagi?

Er ekki  kominn tími á nýja janúarbyltingu? 

Maður spyr sig...

Bannað að koma að viðskiptum í 10 ár

Hver ber ábyrgð á þessu?

Er forstjórinn ábyrgur fyrir þessum vinnubrögðum, eða skriffinni á skrifstofunni? 

Hvernig er það, á stofnunin ekki að vernda fólkið í landinu?

Þeir vildu ekki styggja Shell? 

Eru þetta ásættanleg vinnubrögð hjá ríkisstofnun? 

Skítt með fólkið, dýrin og landið, bara ef Shell þarf ekki að pönkast í svona eiturmálum?

Ætli einhver verði rekinn frá MAST? 

Maður spyr sig...

Mikill álitshnekkir fyrir MAST

Hvít jól

Loksins fengum við hérna á Stór-Reykjavíkursvæðinu hvít jól. 

Það þarf kannski ekki að minna fólk á það að þegar jörð er hvít, þá fá smáfuglarnir ekki nóg að éta.

Svo eru gæsir, svanir og endur á ýmsum stöðum á landinu, sem þyggja gjarnan brauðmola.

Gleymum ekki að fóðra fuglana, þeir þurfa að treysta á okkur mannfólkið þegar jarðbönn eru...

Snarvitlaust veður í Reykjavík

Loksins!

Ég vona að fleiri ákærur séu á leiðinni. 

Vegna tímans sem liðinn er frá glæpunum finnst mér að ekki eigi að refsa þeim sem dæmdir verða fyrir "hrunið" í fangelsi.

Mér persónulega finnst að hæfileg refsing séu mjög háar sektir, jafn háar og bónusar og mútugreiðslur sem þeir þáðu fyrir markaðsmisnotkunina. 

Allar greiðslur sem fjárglæframennirnri þáðu umfram eðlileg laun, verði gerðar upptækar.. 

En ég er víst bjáni, þeir eru ekki með þessa peninga þar sem hægt er að sækja þá. 

Eftir uppskriftinni eru þeir ábyggilega í skattaskjólum eða skáðir á aðra en þá sjálfa... 

Þvílíkur aumingjaskapur, þessir menn standa ekki fyrir neitt annað en svindl og svínarí....

Eiga ekki einu sinni fötin sem þeir ganga í...

Svo þarf náttúrulega að gera alla málamyndagjörninga þar sem eignir eru fluttar á ættingja og í félög ógilda, þar sem sýnt er fram á óeðlilegar eignatilfærslur...

Ákæran opinber á morgun

Varúð!

Ég þekki fólk sem hefur lent í hræðilegum vítahring vegna svona smálána.

Þessi smálánafyrirtæki vilja sérstaklega fá ungt fólk til þess að skuldsetja sig.

Ég vona allavega að allir fullorðnir vari sig á þessu. 

Ekki taka lán fyrir jólunum

Hvað með kvótann?

Er kvótinn ekki stór hluti af því sem var veðsett í aðdraganda hrunsins? 

Varla fara erlendu vogunarsjóðirnir að ganga að veðum í kvótanum? 

Þar sem veðsetning kvótans er og hefur alltaf verið ólögleg..

Hvað ætli margir eigi veðbréf með veði í óveidda fiskinum? 

Maður spyr sig....

Eignir sem aldrei koma fram

Sammála Birgittu!

Ég skil ekki æsinginn í sumum Samspillingarþingmönnunum, afhverju vilja þeir að Ögmundur brjóti lögin um sölu lands til fólks utan EES svæðisins. 

Voru þessi lög ekki sett til þess að vernda landið okkar, og gæðin sem fylgja landinu? 

Og ég er sammála að ekki megi gera undanþágur, nema í undantekningartilvikum. 

Þessi áhugi Nubos til uppkaupa á Grímsstöðum á Fjöllum finnst mér ekki eðlilegur, öll viðskiptaáætlunin finnst mér vera frekar ótrúverðug. 

Kínverskir fjárfestar virðast allstaðar vera óvinsælir, þeir flytja inn sitt eigið vinnuafl. 

Það vinnuafl sættir sig við lægri laun og verri aðbúnað, þetta hefur verið svona í mörgum löndum. 

Styður ákvörðun Ögmundar