Greiðsluþrot eða ekki?

Ég verð að segja það að ég treysti orðum Þórs Saari hagfræðings betur en orðum Jóhönnu flugfreyju og Steingríms sem er með einhverja jarðfræðimenntun.  Það er eitthvað undarlegt í gangi í þjóðfélaginu, annað en fullt tungl.  Það var ótrúlega erfitt í vinnunni minni í kvöld, allir voru eitthvað svo pirraðir. 

Ísland stefnir í greiðsluþrot

Athugasemdir

[Ingibjörg Guðrún Magnúsdóttir, 4.12.2009 kl. 02:03]

Ekkert skrítið ef tunglstaðan er skoðuð...og ég fer með rétt mál þá er krabbinn að koma inn, og það merki stendur fyrir tilfinningum, svo næstu daga 2. eða svo verða tilfinningar ráðandi ríkjum, annað hvort allt í gráti og ómöguleg heitum, nú eða sól og sæla.. Fyrirgefðu mér afskiptin, en mátti til í að gefa þér þennan punkt. Það er nú svo, að þegar að við vitum hvers vegna, þá lagast margt og útskýrist. Kveðja.

[Jens Guð, 4.12.2009 kl. 02:05]

  Það er ekki hægt að treysta neinum orðum sem Jóhanna segir. Ég veit ekki með Þór Saari.  Hann er hagfræðingur en það segir enga sögu.  Stjórnmálafræðingar eru ekki ekki bestu stjórnmálamenn.  Sá sem kann að blása í saxafón er ekki besti tónlistarmaðurinn.  Alliir sem hafa skorað hæst í sögu rokkmúsíkur hafa ekki kunnað nótnalestur:  Bítlarnir,  Rolling Stones,  Dylan... Ég veit ekki hvað ég er að fara með þessari samlíkingu.  Stjórnmálafræðingar eru ekki bestu stjórnmálamenn landsins.  Bókmenntafræðingar eru hvergi á lista yfir þá sem hafa skrifað bestu bókmenntir.

[Jóna Kolbrún Garðarsdóttir, 4.12.2009 kl. 02:20]

Takk fyrir athugasemdir ykkar Ingibjörg og Jens.  Báðar eru fræðandi.

[, 4.12.2009 kl. 09:12]

Ég treysti bara alls engum sem vinnur fyrir mig á hinu háa Alþingi þessa dagana. Það er helst að ég treysti Evu Joly og öðrum sem standa utan Alþingis til að hafa vit á málunum. En auðvitað er þjóðin á hausnum. Skuldirnar sem stofnað var til í okkar nafni byggðu nefnilega á peningum sem voru aldrei til. Úff hvað ég er orðin þreytt á þessu peningaveseni.

[Ásthildur Cesil Þórðardóttir, 4.12.2009 kl. 14:16]

Því miður hef ég misst allt traust á stjórnmálamenn yfirleitt.  Það er þá helst Hreyfingin sem er ennþá heiðarleg.  Hér þarf eitthvað að gerast áður en sýður upp úr hjá langþreyttum almenningi.

[Þráinn Jökull Elísson, 4.12.2009 kl. 22:22]

Sæl Kolla mín. Fyrirgefðu gálgahúmorinn í síðustu færslu. Hann vill nú stundum fara fyrir ofan garð og neðan.

Bestu kveðjur.

[Rakel Sigurgeirsdóttir, 6.12.2009 kl. 21:05]

Ég er sammála Ásthildi. Það er ljóst að við núverandi ástand er ekki hvorki líðandi eða þorandi að búa lengur. Ef ekkert er að gert sýður upp úr.