Ég ætla að afþakka greiðslujöfnun

Ég skil ekki hversvegna ég þarf að afþakka þessa greiðslujöfnun, hversvegna var ekki búið til umsóknarferli fyrir þá sem þurfa svona greiðslujöfnun?  Af hverju þarf ég að gera mér ferð í bankann minn, vegna þess að ég gat ekki afþakkað þessa greiðslujöfnun hans Árna Páls í heimabankanum mínum? 

 Mér finnst þetta skrýtin leið til bjargar heimilunum að lengja í hengingarólum þeirra sem eiga ekki fyrir afborgunum af lánunum sínum.  Ég bíð ennþá eftir skjaldborginni sem sitjandi stjórn lofaði okkur fyrir síðustu kosningar.   Raunin virðist sú að sitjandi stjórn slær skjaldborg um fjármagnstekjueigendur og útrásarbaróna, einkavini, vandamenn og pólitíska samherja.  Og náttúrulega kostendur prófkjöra stjórnmálamannanna, þeir virðast allir vera lausir allra mála. 

Ég vona að landsdómur verði settur fljótlega þar sem farið verður í allar embættisfærslur allra ráðherra og þingmanna undanfarin 5 ár.  Eða jafnvel fleiri ár aftur í tímann. 

Áttu að þiggja greiðslujöfnun?

Athugasemdir

[Ragnheiður , 19.11.2009 kl. 01:46]

Það er hlekkur á að afþakka í mínum heimabanka, isb.is.

ég hef ekki gert upp hug minn, er týpísk vog

[Jóna Kolbrún Garðarsdóttir, 19.11.2009 kl. 02:02]

Það er líka hlekkur á afþökkun í mínum heimabanka en hann virkaði ekki í gær, þegar ég reyndi að afþakka þetta.  Ég er líka í isb.is.  Ég er líka týpísk vog en ég ætla ekki að borga meira, lengur með hærri vöxtum aldrei.

[Óskar Helgi Helgason (IP-tala skráð) 19.11.2009 kl. 02:08]

Heilar og sælar; Jóna Kolbrún og Ragnheiður !

Ég kom inn á þetta mál; af harðýðgi mikilli, á minni síðu, fyrir stundu.

Mér er andskotans sama; þó svo, einhverjar rolurnar, fái hland fyrir hjartað.

Með beztu kveðjum; sem áður og fyrri, úr Árnesþingi /

Óskar Helgi Helgason 

[Júlíus Björnsson, 19.11.2009 kl. 04:34]

Innlánvextir í dag eru mest 6 kr. fyrir 100 kr. og útlánsvextir minnst 14 kr. fyrir sömu 100 kr. Þetta er 230% álagning. Hjá Bönkum ríkistjórnarinnar.

Fasteign sem á raunvirði eftir leiðréttingu gengis: bólguvaldinn, gróða EU lándrottna, kostar 20 milljónir er veðsett fyrir 30 milljónir.

Þess vegna er búið að samþykkja gagnvart erlendum lánadrottunum að höfuðstóll lánanna hafi verið  falsaður sem nemur um 40% afskiptum. 

Þessi leiðrétting er ekki látin ganga til þjóðarinnar sem fjármagnaði lánin í upphafi.

Þegar ég tók mitt lán á sínum tíma þá samþykkti ég bólgu tengingu vegna yfirlýsinga: loforða ríkistjórna og launþegasamtaka að launa, fasteign og bólgu vísutölur myndu fylgjast að [á löngum tíma] með öðrum orðum bólgan gæti ekki farið úr böndunum.

 Menn sem lána í 30 ára eru náttúrulega bundnir af sínu í 30 ár að mínu mati.

 Þessi ríkisstjórn segist bundinni af loforðum þeirrar síðustu. Ég vil fá leiðréttingu á minn höfuðstól eins og erlendir lándrottnar.

Þetta er tæknilega óheyranleg eignarupptaka   Sem bitnar mest á þeim sem voru að festa kaup á íbúð síðust 10 ár. Sama fólkið getur ekki staðið undir lífeyrir þeirra sem eldri eru og greitt skuldir Íslenskra braskara eða erlendra.

Þeir sem eiga íbúðir sínar skuldlausar eiga nú eign sem hefur rýrnað um 40% ef hún selst.

Mismuna hópum svona 1. Erlendir lándrottnar 2. Íslenski braskarar. 3. Íslenskur almenningur.

Stjórnmálamenn eru allir eins og þeirra persónulegum áhugamál eru öllu æðra. 

Miðgengi Íslenskrar krónu gagnvart evru er búið að fastsetja til þess að hægt sé að ganga frá langtíma skuldbindingum þjóðar búsins. UM 40% lækkun launa og fasteigna miðað við evru.

Hér á að veðja á lágvirðisauka túrisma samanber hærri virðisauka á þann geira. Hrein sönnum um launþróun hér í framtíðinni.  

Almenna skýring stjórnmálamanna er alltaf sú vitlausasta, það eru minnst þrjár hliðar á öllum málum og einn þriðji sannleikur er minn en hálfur sannleikur.

[, 19.11.2009 kl. 11:48]

Sammála þér Jóna Kolbrún. Ætla ekki að lengja í hengingarólinni og borga meira en þegar upp er staðið. Það var þá skjaldborg

[Sigrún Aðalsteinsdóttir, 20.11.2009 kl. 23:58]

Því miður verð ég að þyggja þessa hengingaról ríkisstjórnarinnar.  Var nýlega búin að kaupa stærra húsnæði þegar ósköpin dundu yfir.  Á þeim tíma átti ég ca. 12 milljónir í nýju eigninni.  Núna lítur út fyrir að ég eigi lítið sem ekkert.  Lánin hafa hækkað óstjórnlega og ég frétti af að sambærileg eign var seld um daginn á töluvert lægra verði um en við keyptum á sínum tíma. 

[Jóna Kolbrún Garðarsdóttir, 21.11.2009 kl. 00:57]

Ég er heppin að ég skulda ekki svo mikið, ég keypti íbúðina mína árið 1990, samt er höfuðstóll lánsins sem ég tók þá hærri í dag en hann var þá.