Óþurftargos

Þetta nýja eldgos í Eyjafjallajökli kemur á versta tíma, ég hefði viljað hafa hitt gosið lengur.  Þetta frábæra túristagos sem margir fóru að sjá. 

Svo er þetta miklu alvarlegra gos vegna stærðar, öskufalls og flóða.  Kannski er þetta bara góð æfing fyrir Kötlugosið sem ætti að fylgja í kjölfar þessa goss.  Svo var ég búin að fylgjast með kvikuinnskoti við Upptyppinga, hvenær ætli gosið þar byrji? 

En þessi eldgos hafa tekið athyglina frá ástandinu í þjóðfélaginu, skýrsla Alþingis hefur fengið litla umfjöllun.  Allavega miðað við það ef ekkert eldgos hefði orðið.  Fréttamenn verða að vera duglegir að lesa og rannsaka það sem í skýrslunni kemur fram.  

Öskufall berst austur yfir

Athugasemdir

[Jóna Kolbrún Garðarsdóttir, 15.4.2010 kl. 01:02]

Nema að maður samsami sig með þessum eldgosum, þjóðarsálin er komin að gosi.  Ég held að ekki verði langt í alvöru byltingu núna.  Það er tímabært að taka völdin og láta réttlætið og sanngirnina ráða ríkjum hérna á Íslandi.  Ekki siðlausa tuðið í fjórflokknum.!!!

[Grefillinn Sjálfur - Koma svo! (IP-tala skráð) 15.4.2010 kl. 01:03]

Já, þótt eldgosin séu spennandi þá verður að leiða "hin" málin til lykta. Hins vegar er ekki mikil von til þess að sættir munu takast á næstunni þar sem enginn ætlar að axla ábyrgð og allir ætla að sitja áfram ... Þorgerður, Össur, Bjarni Ben og margir fleiri .... djísus, segi ég nú bara.

[Jóna Kolbrún Garðarsdóttir, 15.4.2010 kl. 02:01]

Ég held að spurningin sé hvernig þau verði látin sæta ábyrgð, ekki hvort.  Almenningur hefur ekki sagt sitt síðasta orð, ennþá!!!   Sem betur fer......

[Guðmundur Ásgeirsson, 15.4.2010 kl. 02:13]

Samkvæmt frétt á DV.is komu einmitt kippir í Upptyppingum og líka Grímsvötnum í gær þegar gosið hófst í Eyjafjallajökli. Ætli það sé samhengi þar á milli?

[Jóna Kolbrún Garðarsdóttir, 15.4.2010 kl. 02:19]

Ekki veit ég það Guðmundur, en ég er dugleg að fylgjast með skjálftavaktinni og hef ég líka undrast skjálftavirkni við Kópasker, þar hafa margir skjálftar orðið sem eru um 2 á richter.  Ælti Grímsvötn og Upptyppingar ásamt Kötlu gömlu gjósi ekki á næstu mánuðum, allavega yrði ég ekki hissa á því.  

[Christine Einarsson (IP-tala skráð) 15.4.2010 kl. 08:18]

Ég treysti á að þú látir mig vita Jóna mín ef eitthvað fer af stað sem ég þarf að hafa áhyggjur af. Þar til þá held ég bara áfram að hekla þennan blessaða skírnarkjól

[Ásdís Sigurðardóttir, 15.4.2010 kl. 12:41]

Ég ætla að gera eins og ´Tína, prjóna og prjóna, gleyma mér í hannyrðum.