Vanhæf ríkisstjórn, vanhæf ríkisstjórn, vanhæf ríkisstjórn

Ríkisstjórn sem heldur ráðstefnu um fátækt á Grand Hótel, er vanhæf.  Ríkisstjórn sem ákveður að fátækt sé bara í lagi og viðunandi er vanhæf, ríkisstjórn sem leitar ásjár Alþjóðagjaldeyrissjóðsins er vanhæf, ríkisstjórn sem vill borga IceSlave án þess að skoða lagagildi þess er vanhæf.  

Vonandi fellur þessi vanhæfa ríkisstjórn, ég er komin með ógeð á Jóhönnu, Steingrími, Össuri og Árna Páli.  Við verðum að fara að sjá hreinsanir á óhæfu fólki út af Alþingi, og úr stjórnsýslunni allri. 

Breytingar ræddar áfram

Athugasemdir

[hilmar jónsson, 10.5.2010 kl. 00:52]

Og hæfa fólkið er ?

[Jóna Kolbrún Garðarsdóttir, 10.5.2010 kl. 02:32]

Þú sérð ástæðu til þess að koma á mína síðu og tjá þig þar, má ég spyrja þig að einu hefur þú verið fátækur?  Hefur þú einhverntíma ekki átt fyrir mat handa börnunum þínum?  Ég segi það að sitjandi stjórn er vanhæf, fyrir okkur sem eigum varla fyrir mat og öðrum nauðsynjavörum.  Þessi ríkisstjórn sér ástæðu til þess að halda ráðstefnu um fátækt á Grand Hótel?  Hæfa fólkið er greinilega ekki við stjórnvölinn núna, það er greinilegt.

[Óskar, 10.5.2010 kl. 03:15]

það hefði verið meira viðeigani að halda ráðstefnu um fátækt í Valhöll.  Það er jú íbúum þar að kenna hvernig komið er í landinu en ekki þessari ríkisstjórn.

[Hrannar Baldursson, 10.5.2010 kl. 05:41]

Var virkilega haldin ráðstefna um fátækt á Grand Hotel?

[Jóna Kolbrún Garðarsdóttir, 10.5.2010 kl. 08:05]

http://visir.is/article/20100510/FRETTIR01/801009226

[Ásthildur Cesil Þórðardóttir, 10.5.2010 kl. 09:10]

Algjörlega sammála þér hér Jóna mín frá A til Ö. 

[hilmar jónsson, 10.5.2010 kl. 13:52]

Sæl Jóna. Ég vil byrja á því að segja að mér þykir afskaplega miður hafi ég á einhvern hátt sært þig. Kommentið " Og hæfa fólkið er ? " Var á engann hátt hugsað til þess að gera lítið úr vangaveltum þínum, enda bloggaði ég sjálfur í minni færslu um það sama og þú ert að velta fyrir þér út frá öðrum sjónarpunkti. Ég reyndar, burt séð frá því hvort núverandi stjórn geti gert betur, fullyrði að þær ömurlegu aðstæður sem margir eru í nú ( sökum fátæktar ) megi klárt skrifa á reikning Sjálfstæðisflokks og Framsóknarflokks og þeirra arfleið.

Spurning mín til þín um "hæfa fólkið" var eingöngu ætluð til þess að fá þitt sjónarmið á það hverja þú sæir fyrir þér í stöðunni gera betur.

Eins oo kemur fram í minni færslu, þá tek ég heills hugar undir með þér og fleirum hve kaldhæðnislegt er að halda slíka ráðstefnu á glæsilegasta hóteli bæjarins.

[Jóna Kolbrún Garðarsdóttir, 11.5.2010 kl. 00:25]

Hæfa fólkið er fólkið á Alþingi okkar Íslendinga, sem er ekki á  í boði Baugs, FL group, og ýmissa annarra fyrrverandi stórfyrirtækja, fólkið sem seldi ekki stofnfjárbréf korteri fyrir hrun, fólkinu sem matað hefur krókinn fyrir sig og sína.  Fólkinu sem ræður starfsmenn án auglýsinga, fólkinu sem skilur ekki hvað heiðarleiki er.