Afhverju ekki að fara þessa leið?

http://fridrik.eyjan.is/2010/12/plasturinn-af.html  

 Og svo er ég fylgjandi þessu sem hann Guðbjörn mælir með...   Ég afritaði svar hans hjá Friðrik og kemur svarið hérna

"Guðbjörn Jónsson

Ég er því sammála að eina leið okkar út úr vitleysunni, er að gefa út nýja mynt, innkalla, með skemmsta mögulegum fyrirvara gömlu myntina og ógilda hana um leið sem viðskiptamynt. Eigendur gömlu (núverandi) myntarinnar, fengju henni skipt í... nýja, gegn framvísun á staðfestingum á að þeir hafi eignast hana á eðlilegan máta, og greitt eðlilega skatta og gjöld varðandi þá uppsöfnun. Það yrði afar mikilvæg aðgerð til að hreinsa út verðmætalausa eignastöðu ýmissa fjármálapappíra, sem mikil framleiðsla var á síðustu árin fyrir hrun. Takk fyrir Friðrik, að færa mér fréttira af því að feliri hugsa svipað og ég.

Það lang mikilvægasta í stöðu okkar nú, er að horfast raunsætt í augu við þá verðmætalausu eignauppfærslu sem verðtryggingin hefur valdið í hagkerfi okkar. Friðrik bendir m.a. réttilega á þetta, ásamt litlum möguleikum okkar til að byggja upp eðlilegt atvinnu og viðskiptalíf, án nauðsynlegrar leiðréttingar. Hann bendir á að áframhald núverandi stefnuleysis í þessum málum, muni líklega kalla fram annað hrundæmi, þar sem hagkerfið geti ekki borið uppi þá verðmætislausu eignauppsöfnun sem nú er fyrir hendi.

Er ekki betra að taka stefnuna strax á leiðréttingu og þaðan til uppbyggingar, frekar en hrekjast um stefnulaus, í einskis manns landi og bíða þess sem óhjákvæmilegt er?

Ég óska lesendum mínum gleðilegs árs og þakka lesturinn á liðnum árum. 

Stefnt að sölu ríkisbréfa fyrir 120 milljarða króna

Athugasemdir

[Ásthildur Cesil Þórðardóttir, 31.12.2010 kl. 02:24]

Málið er að stjórnvöld hafa ekki bara leppa fyrir augum heldur líka eyrnatappa og plástur fyrir munni. Það má ekki hlusta á rök annara, bara ana áfram í ESBrugli og sjá ekki heyra ekki og tala ekki.

[Jenný Stefanía Jensdóttir, 31.12.2010 kl. 05:31]

Gleðilegt og farsælt nýtt ár Jóna Kolla og Ásthildur líka.

Nenni síst að velta mér upp úr alvöru málum í dag.

Kærar þakkir fyrir góða netvináttu.

[Sigrún Aðalsteinsdóttir, 31.12.2010 kl. 11:52]

Íslenska krónan er orðin ansi lúin, eins og árið 2010. Vonandi verður nýja árið gott fyrir okkur öll.  Gleðilegt nýtt ár.

[Helga Kristjánsdóttir, 31.12.2010 kl. 15:10]

 Jæja Jóna Kolbrún mín! Annað árið frá hörmungunum á enda. Mikið hefur verið rætt um myntbreytingu. Það þarf að eyða óvissu í þessum peningamálum, í stað þess að hrekjast um stefnulaus.  Sjáum hvað nýja árið færir okkur. Gleðilegt og farsælt nýtt ár.

[Guðmundur Ásgeirsson, 1.1.2011 kl. 07:25]

IFRI – Icelandic Financial Reform Initiative | Úrbætur á fjármálakerfi Íslands

Gleðilegt ár gott fólk!

[Jón Ríkharðsson, 1.1.2011 kl. 12:25]

Gleðilegt ár Jóna kolbrún og takk fyrir skemmtileg samskipti á liðnu ári. Þetta sem þú bendir á ætti að vera vel athugandi.