Mín kisa er bara hirðusöm

Þessi köttur í myndbandinu er þjófóttur, brýst inn hjá fólki og stelur eigum þeirra. 

Ég á kisu sem er hirðusöm, hún hirðir bara það sem hún finnur á víðavangi.. 

Til dæmis, vinnuvettlingar sem liggja á glámbekk í görðum fólks, og allskonar fatnað sem liggur í görðum fólks eða á gangstéttunum. 

Einu sinni var ég með 8 pör af vinnuvettlingum úti á tröppum hjá mér, hún fer tvær ferðir fyrir pörin.  Svo hefur hún fært mér, húfur, sokka, plastpoka, dagblöð, og allskonar drasl.

Í hvert skipti sem hún gefur mér gjöf, heyri ég í henni langar leiðir.  Það er eins og ungabarn gráti þegar hún er að færa mér dót....

Kisan mín heitir Rúsína, og er hún að verða 7 ára í sumar, hún hefur gert þetta síðan hún var kettlingur.

Því miður færir hún mér einstaka sinnum fugla, og einu sinni fékk ég lifandi mús.. 

http://www.ii2.org/user.php?nick=huxa&s=images&img=7861860    Mynd af Rúsínu með músina sem var sprellifandi og ómeidd...

„Fingralangur" kisi

Athugasemdir

[Sigrún Aðalsteinsdóttir, 19.2.2011 kl. 01:09]

Ég verð nú að segja að hún Rúsína þín er óvenjulega hirðusöm. Hef aldrei heyrt af slíkri snyrtimennsku hjá köttum.

Reyndar er ég frekar vön því að hefðarkötturinn Betúel dragi björg í bú. Fjaðr- og ferfætlingar lenda oft í kjafti hans, þrátt fyrir að við hann séu festar nokkrar bjöllur - og þeim fjölgar eftir því sem líður á sumar.

N.B. Hann á 14 ára afmæli í dag og er alltaf jafn sprækur.