Mig langar í svona tré í garðinn minn

Ætli það sé hægt að kaupa svona kirsuberjatré einhversstaðar hérna á Íslandi? 

Ég er mikil áhugamanneskja um ávaxtaræktun og langar mig til þess að prófa að rækta ávaxtatré hérna á nesinu. 

Ég fór í gróðrastöðina Mörk í gær og voru öll ávaxtatré uppseld, þau seldust öll upp sama daginn og gróðrastöðin opnaði í vor. 

Ég fann tvö Sólberjatré og eitt Hindberjatré sem ég keypti. 

Ég býst samt ekki við uppskeru af þessum litlu plöntum í ár, en vonandi fæ ég nokkur ber á næsta ári. 

Kirsuberjatré í Hljómskálagarð

Athugasemdir

[Ragnheiður , 1.6.2011 kl. 02:25]

Kirsuberjatrén eru ofsalega falleg. Ég er ekki komin af stað í ávaxtatrén en þau eru spennandi

[Ásthildur Cesil Þórðardóttir, 1.6.2011 kl. 11:35]

Það er nokkuð ljóst að þessi tré munu ekki þrífast þarna í Hljómskálagarðinum.   Það er smá séns að þau lifið í góðu skjóli upp við vegg sem yljar þeim.  En þetta verða bara fúasprek næsta vor.  Þetta er alveg dæmigert um vitleysuna sem hrjáir heimin í dag.  En ef til vill ætlar hann að smíða gróðurhús utan um trén. 

Annars er garðyrkjuskóli ríkisins að bjóða áhugasömum yrkjendum að taka þátt í að rækta upp ávaxtatré, þetta eru eplatré allavega, og sennilega fleiri sortir.  Vissulega geta þau þrifist í góðu skjóli, þar sem vel er hugsað um þau.

[Sigrún Aðalsteinsdóttir, 1.6.2011 kl. 23:42]

Leitt að heyra um að kirsuberjatrén geti ekki plumað sig hér á ísaköldu landi, eins falleg og þau eru, en ég vona að þér gangi vel með plönturnar sem þú keyptir.

Ég er með pínulítinn "grjót"garð í norður þar sem birkitré dafnar alveg ágætlega og svo einhver víðáttubrjálaður runni sem ég kann ekki að nefna. En best af öllu að ég er með fullt af pínkuponsulitlum reynitrjám í mölinni sem ég veit ekki hvaðan koma.  Hér er langt í næstu reynitré. En þetta er víst allt fuglunum að þakka þó ég sjái þá sjaldnast hér vegna allra kattanna í nágrenninu. Ég var að pæla í að stinga þessi örverpi upp og planta þeim í vænlegri mold. Hvað segir garðyrkjufræðingurinn? Ásthildur - er það ekki alveg gráupplagt?

[Helga Kristjánsdóttir, 1.6.2011 kl. 23:56]

  Jóna Kolbrún,sást þú ávaxta trén hjá áhuga manni um slíka ræktun á Akranesi. Reyndar ´sýnd á Ruv. fyrir ári minnir mig. Ég ætla að fá að skyggnast þar inn,ég fer með nokkrum konum 21.júní     (okkar sólstöðuhátíð).

[Ásthildur Cesil Þórðardóttir, 2.6.2011 kl. 00:27]

Sigrún jú það er alveg gráupplagt.  Fuglarnir bera ýmis fræ eins og reyni, ylli og sólber.  Um að gera að taka þetta upp og gróðursetja á betri stað, svo þau fái að vaxa og dafna.