Jólasnjórinn kom loksins....sem er gleðilegt

Ég, elsta dóttirin og hundurinn fórum í göngutúr í dag, í þessum líka fína byl.  Okkur þótti öllum gaman, sérstaklega hundinum sem hoppaði og skoppaði og át snjóinn á milli.  Okkur mæðgum þótti ekki jafn gaman á heimleiðinni, með storminn í fangið og snjókomuna beint upp í augun.  Maður hefði þurft skíðagleraugu til þess að njóta heimferðarinnar jafn vel og göngutúrsins. 

Loksins fékk maður að prófa bílinn á nýju harðskelja dekkjunum í snjó, þau virka bara alveg ágætlega, næstum jafn vel og nagladekkin.  Ég var á Nokia nagladekkjum í 6 ár sömu dekkjunum, þau voru æðisleg, núna er maður svo umhverfisvænn að maður keyrir um á ónegldum dekkjum.  Ein afslöppuð

Athugasemdir

[Hólmdís Hjartardóttir, 26.12.2007 kl. 02:53]

hahaha, var að skrifa um jólasnjó, þegar ég leit svo á bloggið varst þú búin að því líka. En mikið birtir við snjóinn