Kvöldgangan breyttist í martröð

Ég fór í mína venjubundnu kvöldgöngu með hundinn minn hann Úlf, þegar við vorum hálfnuð í göngutúrnum okkar, datt einhverjum í hug að sprengja eina litla köku, svona áramóta bombu með ljósum, hvellum og ýlum.  Það var eins og minn litli Úlfur hefði fengið eina rakettu upp í rassinn, hann tók á rás og ýlfrið í honum var eins og að einhver væri að pína hann eða drepa.  Hann var svo sterkur að hann dró mig nokkra metra í hálkunni, og í bónus fékk hann niðurgang.   Dæturnar spurðu þegar ég kom heim, hvaða lykt er þetta var einhver að reka við? En nei hundurinn var allur útbíaður í skít.  Ég hlakka ekki til áramótanna.  Ég þarf að tala við dýralækninn minn og fá róandi fyrir Úlfinn minn með músarhjartað.  Ein áhyggjufull

Athugasemdir

[Hólmdís Hjartardóttir, 29.12.2007 kl. 02:48]

Hundur teymir konu um nesið. Frekar leiðinleg lífsreynsla en þið eruð vonandi bæði heil. Aumingja dýrin um áramótin

[Jóna Kolbrún Garðarsdóttir, 29.12.2007 kl. 02:55]

Kisurnar okkar eru frekar rólegar um áramót en þetta eru fyrstu áramót Úlfs og Tjásu , Úlfur er 8 mánaða gamall og Tjása 6 mánaða gömul  kisa