Nú er úti norðanvindur!!!

Nú er hvítur Esjutindur, ef ég ætti úti kindur,  myndi ég láta þær allar inn, elsku besti vinur minn.  Mér datt þessi gamla vísa í hug þegar ég var úti að reykja í frostinu áðan.  Ég er klædd í ullar föðurland og buxur yfir það, bol og flíspeysu og ullarsokka, ullarhúfu, vettlinga og þykka kápu, samt var mér kalt.  En sem betur fer hlýnar mér strax og ég kem inn.  Mér finnst gaman að hafa svona alvöru vetur, það minnir mig á gömlu dagana þegar sumar var sumar og vetur, vetur.  Mér finnst bara vanta meiri snjó, þá væri allt fullkomið.   Kuldaboli er vinur minn, nema í fyrra þegar hitakerfið mitt bilaði í mesta kuldanum.  Ein sem elskar snjó

Athugasemdir

[Linda Linnet Hilmarsdóttir, 1.2.2008 kl. 02:04]

Snjór og snjór og aftur snjór,mér þykir yndislegt að vera inni í svona aðstæðum,með kertaljós og reykelsi,það er yndislegt.

[Sigrún Óskars, 1.2.2008 kl. 14:26]

Það er fínt að hafa snjó ef hann er ekki á götunum, ekki á gangstígum og ekki að fjúka neitt. Já, svo er best að hafa sólina með. Sem sagt fínt eins og það er í dag.  

Jóna það er fínt að kuldaboli sé vinur þinn hann á þá einhvern vin. Ég er algjör kuldaskræfa og fíla mig best í "heitum" löndum. Það klæðir mig einhvernveginn betur að vera í stuttbuxum og sandölum en dúðuð í einhverjar kuldaflíkur hverja yfir aðra.