Frídagurinn fór í barnagæslu

Laugardagar eru mínir uppáhaldsdagar, þá get ég gert það sem mig langar til.  Í dag var ég að passa tvo dóttursyni mína, sem betur fer voru þeir báðir stilltir og prúðir hjá ömmu sinni.  Ég eldaði saltkjöt og svið og kartöflumús, sem verður líka í matinn á morgun.  Strákarnir hennar ömmu sinnar borðuðu saltkjötið með bestu lyst, en þeir vildu ekki smakka sviðin.  Vinkona yngstu dóttur minnar var líka í heimsókn og fékk hún að smakka svið í fyrsta skipti, henni þótti sviðin góð.  Í dag var aldeilis tekið til hendinni hérna hjá mér ég þvoði af rúmunum okkar og lagaði smá til.  Þvílík framkvæmdagleði á frídeginum mínum.   Ein sem nennir