Áhættuhegðun, ungt fólk í umferðinni!!

Glæfra akstur á Laugaveginum í kvöld, ég horfði á ungt fólk leika sér í bíl í kvöld.  Ung manneskja undir stýri, bakkar niður Laugaveginn á töluverðri ferð, ein ung manneskja sitjandi í glugga bílsins hálf úti.  Sem betur fer var fimmti bíll frá þessum ævintýramönnum, lögreglubíll og vona ég að lögreglan hafi náð í rassgatið á þessum áhættuleikurum, sem stefndu sér og öðrum í hættu með háttalagi sínu.  Þetta er frekar algeng sjón við Laugaveginn, einn keyrir og tveir sitja í afturgluggum hálfir úti.  Það þarf ekki mikið að koma uppá, til þess að slys verði af þessari áhættuhegðun.  Smá aftanákeyrsla og hvað verður um þá sem sitja í gluggum hálfir úti, kannski ölvaðir eða í einhverri vímu?  Þetta sé ég reglulega þegar ég er í vinnunni.   Ein sem hefur áhyggjur

Athugasemdir

[Hólmdís Hjartardóttir, 6.3.2008 kl. 01:24]

Vona sannarlega að þetta lið náist. Því þetta fólk setur ekki aðeins sjálft sig í hættu heldur líka aðra vegfarendur.

[Lilja G. Bolladóttir, 6.3.2008 kl. 02:56]

Maður hefur ekki alveg sömu tilfinningu fyrir áhættu og áhættuhegðun sem ungur og nýkominn með bílpróf, eða ungur með enga ábyrgð og maður hefur seinna meir. Ég hef unnið töluvert á Grensásdeildinni og ég held að það væri góður liður í ökukennslu að ungt fólk fengi að ganga einn rúnt þar um deildina og heyra sögurnar á bak við veru hvers og eins sjúklinganna þar!!