Óvænt heimsókn

Ég var nú aldeilis hissa í gær, seinnipartinn þegar bankað var á dyrnar hjá mér og úti stóðu, dóttir mín Jóna Salvör og sonur hennar Daníel Esekíel.  Búin að keyra  frá Fljótunum, hingað  á Nesið og ég vissi ekki að þau væru á leiðinni.  Ég bjóst samt við þeim í vikunni en ekki svona snemma.  Það var yndislegt að sjá þau, eftir tvo mánuði í burtu.  Daníel talar eins og  herforingi í dag, sagði varla orð um jólin og áramótin.  Núna samkjaftar hann ekki, ég er svo hissa á framförunum á ekki lengri tíma.  Ég tala að vísu við þau í síma flesta daga, en sá stutti vill ekki segja mikið í símann bara halló amma og svo babblar hann mikið.     Í morgun var ég vakin klukkan 6.30 þá voru yngsta dóttir mín og dóttursonurinn komin á fætur, ég var bara búin að sofa í rúmar 3 klukkustundir og var ég frekar framlág fram eftir degi.  Svo slökknaði á mér seinnipartinn og ég svaf í 2 tíma á sófanum, þrátt fyrir lætin og skarkalann sem fylgir krökkunum.  Eftir 2 daga verður Aðalheiður Björk 18 ára, hún er númer 4 í röðinni hjá mér, það verður smá veisla á föstudaginn til að fagna því.  Svo erum við að fara í fermingarveislu á sunnudaginn, þá verður systurdóttir mín fermd.  Ein upptekin næstu daga !!!

Athugasemdir

[Hólmdís Hjartardóttir, 12.3.2008 kl. 02:03]

Mörg börn eru ekkert viljug að tala í síma svona  í byrjun. En mikið er gaman að tala við börn sem eru að ná tökum á málinu. Mínar voru mjög fljótar til að tala og oft var þetta nú skemmtilegt. Núna eru þær mjög fljótar að hækka sig ef eitthvað er.....og er oft alls ekki skemmtilegt

[Lilja G. Bolladóttir, 12.3.2008 kl. 02:23]

Sem sagt, nóg að gera hjá þér á næstunni

Ég er hins vegar mjög glöð yfir því, að vera ekki boðin í margar fermingaveislur þetta árið, þær veislur þykir mér vera með þeim leiðinlegri sem ég fer í...... sorry.....