Skemmdarverk!

Skemmdarverk, í gær var yngsta barnið mitt staðið að verki við skemmdarverk.  Litla prinsessan er bara 10 ára gömul, hún var að dunda sér við það að búa til merki á grindverk hjá nágranna mínum.  Hún hafði sippuband í hendinni og var búin að krota x merki og ýmsar aðrar myndir á grindverkið með sippubandinu.

  Ég fór að skoða skemmmdirnar og bauðst til að pinotexa grindverkið aftur, þegar kæmi gott veður.  Frúin sem var súr á svip sagði að hún gæti ekki beðið eftir því að hringja í mig þegar gott veður kæmi.  Ekkert minna en tjónamatsmaður með myndavél, og tryggingafélagið mitt væri nógu gott fyrir hana.  Mér þóttu skemmdirnar það lítilvægar að ég gæti gert þetta sjálf og sloppið vel frá verkinu. 

 Nei, það skal fara í gegnum tryggingafélagið og fá fagmenn í það að pinotexa girðinguna.  Það er nú eins gott að maður hefur tryggingarnar í lagi, ef ég hefði ekki haft þær í lagi.  Hefði ég kannski fengið að sletta smá pinotexi (bæsi) á girðinguna, og verið laus allra mála.  Ein sem er fúskari

Athugasemdir

[Hólmdís Hjartardóttir, 19.3.2008 kl. 12:32]

Ég hefði nú kallað út Víkingasveitina.

[Guðjón H Finnbogason, 19.3.2008 kl. 17:07]

Ekki þarf mikið við suma.Barnið er bara í listsköpun.

[Brynja skordal, 19.3.2008 kl. 21:40]

ja hérna sú er hörð í horn að taka En hafðu það gott um páskana Gleðilega páska