huxa

3.4.2008 | 01:28

Veðrið og pólitíkin

Mikið er yndislegt hvað sólin er farin að koma upp snemma á morgnana, þessi árstími er sá besti. Mér finnst vorið og haustið bestu árstíðirnar, veturinn kemur næst og sumarið er eiginlega versti tíminn að mínu mati. Nema þegar það er skýjað, og ekki of heitt. Sólskin að vori og hausti er svo fallegt, annaðhvort er allt að lifna við eða haustlitirnir halda sýningu fyrir okkur. Það er skömm að því að ráðamenn hérna á litla Íslandi telji sér trú um það að þeir séu að spara með því að leigja einkaþotu. Þar sem almúgamaðurinn þarf að herða sultarólarnar, en ráðamenn spreða enn meira en í gær!!! Mig langar að sjá alla útreikninga til þess að sjá það svart á hvítu hvar sparnaðurinn liggur. Ég hef nú verið að undrast það upp á síðkastið, hvað er það með þessa pólitíkusa. Ég sé stundum óvart blogg-færslur (ég nenni ekki að lesa þær, nema dagsetningar og frá hvaða flugvelli hann var að koma frá, eða fara til, alveg óvart!!) hjá Birni Bjarnasyni, hvað hefur hann verið marga daga á Íslandi á þessu ári eða því síðasta? Er Björn Bjarnason að bjarga heiminum, á kostnað okkar heimamanna? Hvenær verður eitthvað gert hérna til þess að stemma stigu við hækkandi verðbólgu og versnandi fjárhag heimilanna? Woundering