Annasamur dagur á morgun

Ég ætla að fara upp í tryggingastofnun í fyrramálið,  þar er ætlunin að reyna að fá afsláttarkort fyrir fjölskylduna mína.  Þann 29 febrúar greiddi ég munnhols skurðlækni 48.000 krónur, vegna endajaxlatöku dóttur minnar, ég fékk bara rúmar 9.000 krónur endurgreiddar úr tryggingarstofnun. Ég vona að þessi munnhols skurðlæknir sé ekki undanþeginn þegar lækniskostnaður er reiknaður!!   Hann er jú læknir, ekki tannlæknir  Nema að hann sé bæði!!

Ég þarf að fá lánaðan bíl hjá dóttur minni.  Vegna þess að minn bíll á að mæta á verkstæði klukkan 9 í fyrramálið.  Það á að skipta um pústkerfi í bílnum mínum, hann hefur verið með svona smá kraftpúst undanfarnar vikur.  Svo fær hann smurningu líka, það er komið á tíma líka.  Ein sem vonast eftir afsláttarkorti og ódýrri viðgerð á bíl.

Athugasemdir

[Hólmdís Hjartardóttir, 4.4.2008 kl. 04:28]

Stundum finnst manni lífið ganga út á að borga og borga. Dóttir mín á tíma í tannréttingum á morgun. Ég er nývöknuð.....ætla að skríða aftur í rúmið.

[Brynja skordal, 4.4.2008 kl. 09:44]

Hafðu ljúfa helgi Elskuleg

[Ragnheiður , 4.4.2008 kl. 10:42]

Endurgreiðslan er nánast orðin að engu hjá tannlæknum, það er ekki samræmi í gjaldskrá þeirra og gjaldskrá TR.

Vonum það besta

[Ragnheiður , 5.4.2008 kl. 00:12]

Búin að setja mynd að fatapresti

[Jóna Kolbrún Garðarsdóttir, 5.4.2008 kl. 00:13]

Hjá gamla tannlækninum mínum sem starfaði samkvæmt taxta tryggingarstofnunar ver þetta ekkert vandamál, nýi tannlæknirinn minn er yfir 100% dýrari en sá gamli.  Ég verð að finna mér ódýrari tannlækni fljótlega