Tvískinnungsháttur

Tvískinnungsháttur. 

 Það er ekki í lagi með þetta þjóðfélag sem við lifum í.  Það virðist vera orðin regla hérna á Íslandi, að þeir sem eiga peninga eða eru frægir á einhvern hátt  fái allt upp í hendurnar.  Við þessi, sem borgum skattana og þurfum að herða sultarólarnar, erum einskis virði. Meðan sumir ferðast á einkaþotum, getur litli Jón ekki farið til læknis, vegna kostnaðar, eða litla Jóna getur ekki heimsótt tannlækni vegna þess hvað það kostar mikið ( ég er þessi litla Jóna í þessu samhengi). 

Það þurfti frægan (reiðan) föður til þess að gera eitthvað vegna slysagildrunnar á Keflavíkurveginum.  Við hin þessi ómerkilegu, gátum bara sætt okkur við slysagildruna.  Núna allt í einu hlaupa allir upp til handa og fóta, og málinu er bjargað í snarhasti.  Ef þetta er ekki tvískinnungsháttur þá hvað?   Svo smá léttara hjal.   Núna styttist í það að það verði fjölgun í fjölskyldunni, Kría litla kisan okkar ætti að eignast kettlingana í næstu viku.  Hún er orðin mjög digur þessi písl.  Hún er dvergvaxin þessi læða minnst af öllum köttunum okkar.  Ég hlakka svo til þess að fá kettlinga.  Það eru yfir 20 ár síðan það fæddust kettlingar hjá mér síðast.  Þá fæddust 4 en 2 af þeim dóu.  Sem er víst algengt hjá kisum sem eru að fæða í fyrsta skipti.  Það sagði dýralæknirinn sem sónarskoðaði Kríu í síðustu viku.   Ein spennt