Ekki batnaði aðgengið að mbl.is hjá mér

Ég er ekki að upplifa þetta bætta aðgengi vegna aukinnar bandvíddar morgunblaðsvefsins.  Ég er búin að vera á netinu í rúma klukkustund og hef ég þurft að skrá mig inn allavega þrisvar sinnum. 

 Svo þegar ég var að skrifa blogg um frétt, tók það mig yfir 10 mínútur að fá það birt, samt bara til öryggis afritaði ég færsluna og þurfti ég að nota afritið til þess að skrá færsluna.  Það tókst í þriðju tilraun.  Aukin bandvídd er ekki að gera gagn fyrir mig, en það geta kannski miklu fleiri verið tengdir við vefinn.  En ekki er þetta bætt þjónusta að mínu mati.

 Það var brjálað að gera á barnum í kvöld á mánudagskvöldi, sem betur fer róaðist allt klukkan 10.30 og ég gat farið að byrja að ganga frá uppvaski og laga til.  Á mínútunni klukkan 11.30 átti ég bara eftir að gera upp kassann og svo labbaði ég út fimm mínútum seinna.  Það er frábært þegar ég kemst heim fyrir klukkan 12.00 og mjög sjaldgæft  

 Í morgun þegar ég keyrði soninn upp á Bugl eftir helgarfríið, kom einhver á vegum bæjarfélagsins og tók trjágreinahrúguna sem ég og frumburðurinn bundum í knippi í gær.  Mikið lifandi skelfing var ég fegin að losna við þessa risastóru hrúgu.  Ein þreytt