Lurkum lamin!!

Ég er lurkum lamin, það var svo mikið að gera í vinnunni minni í gær að ég er búin að vera eins og gamalmenni í allan dag.  Sem betur fer var rólegt í vinnunni minni í kvöld, og ég gat safnað kröftum aftur.  En þetta er ekki gott að vera í yfirvigt þegar maður getur ekki sest niður í 8 klukkutíma. 

Svo lenti ég i leiðindum í vinnunni í gær.  Finnskur túristi var rændur á barnum hjá mér.  Ég hringdi á lögregluna og þeir neituðu að senda lögreglu á staðinn.  Mér var sagt að senda túristann upp á lögreglustöð til þess að gefa skýrslu.  Þegar hún kom upp á lögreglustöð, var enginn til viðtals.  Þar var allt lok lok og læs, íslenskur maður fór með henni og athugaði hann alla innganga á lögreglustöðina en enginn virtist vera til skýrslugerðar þar. 

 Þetta er ekki gott, þegar stúlkan fer að segja sína sögu í heimalandinu.  Hún hlýtur að vara landa sína við því að koma til Íslands, það er skömm að þessu.  Skamm skamm lögregla.  Ein reið

Athugasemdir

[Lilja G. Bolladóttir, 14.5.2008 kl. 01:49]

Ég myndi skamma einhvern annan en sjálfa lögregluna, því hún er eins og útspýtt hundskinn, alltof fámenn, út um alla borg og bí. Sjálf lögreglan, getur minnst gert í þeirri manneklu sem þar ríkir, ég myndi beina mínum skömmum hærra. Af hverju er til dæmis lögreglan 24-7 fyrir utan kínverska sendiráðið, sem bara getur staðið sjálft fyrir sínum málstað og varið sig sjálft? Af hverju er lögreglan ekki frekar að verja okkur, heldur en einhverja Kínverja? Af hverju er svona fáliðað í lögreglunni? Geta það verið launin? Hmm.... ég bara spyr. Ég myndi varpa öllum þessum spurningum beint yfir á okkar dómsmálaráðherra sem ber ábyrgð á lögreglunni - þetta er hans klúður....!!!

[Jóna Kolbrún Garðarsdóttir, 14.5.2008 kl. 16:18]

Ég hef fullan skilning á manneklu  og þrengingum lögreglunnar, en að senda manneskju á lögreglustöðina svo er allt lok lok og læs.  Það þótti mér ekki gott mál.