Gróðursæld

Í gönguferð minni með hundinn minn í kvöld var ég frekar hæggeng, ég fór að skoða plöntur sem urðu á leið okkar og fann ég margar áhugaverðar plöntur á leið okkar.  Ég gekk fyrst út í móa sem liggur milli Bakkavarar og Valhúsaskóla, þar fann ég Blóðberg, Gulmöðru, Gleym-mér-ei, Hvítmöðru, Hóffífil, Hrafnaklukku, Maríustakk, Skarifífil, svo eitthvað eldrautt blóm sem ég veit ekki hvað heitir og Skriðsóley.  Uppi á Valhúsahæð fann ég nokkrar í viðbót, eins og Lambagras  Lyfjagras, Umfeðming, Mjaðurt, Túnsúru, Alaskalúpínur og Geldingarhnapp. Svo skoðaði ég krækiberjalyngið og held ég að það sé meira um krækiber í ár heldur en var í fyrra.    

Veðrið var náttúrulega æðislegt, logn og bjart klukkan 10.30 að kvöldi.  Ég sé mest eftir því að taka ekki myndavélina mína með mér.  Kannski geri ég það á morgun að taka myndavélina með mér og taka myndir af gróðrinum.    Ein sem þekkir nokkrar tegundir af blómum.

Athugasemdir

[Lilja G. Bolladóttir, 15.6.2008 kl. 02:02]

Ég týndist í Maríustakknum, finnst vonandi í Blóðberginu....

ein sem þekkir ekkert á blóm.....