Flutningar standa fyrir dyrum.

Frumburðurinn minn ætlar að flytja burt frá mér um næstu helgi.  Þetta kemur frekar óvænt, íbúðin hennar var í útleigu, og fengu leigjendurnir óvænt íbúð til leigu frá vinnustaðnum sínum.  Miklu ódýrari leigu og rétt hjá vinnustaðnum sínum.  Frumburðurinn flytur samt ekki langt í burtu frá mér, bara svona 100 metra í burtu frá mér.  Eða kannski aðeins minna en 100 metra.  Ég sé húsið hennar út um stofugluggann minn og eru bara 4 hús á milli okkar eftir flutninginn.  Hún ætlar að flytja með sér kisurnar sínar tvær, ekki veit ég hvernig gengur hjá henni að venja kisurnar við nýja heimilið.  Ef kisurnar fá heimþrá til mín, eru þær eina mínútu að labba á milli.  Frumburðurinn verður mér samt innan handar með barnagæslu á kvöldin þegar ég er í vinnunni minni.    Það er gott að hún keypti þessa íbúð í nágrenni við mig. 

Athugasemdir

[Hólmdís Hjartardóttir, 29.10.2008 kl. 01:55]

  þú getur þáfygst með henni með kíki

[Hólmdís Hjartardóttir, 29.10.2008 kl. 01:55]

ohhhhhhhhhh    þá fylgst

[Brynja skordal, 29.10.2008 kl. 08:20]

það er ljúft að hafa ungana sína sem næst sér þó þetta sé orðið fullorðið fólk vonandi vilja kisurnar vera á nýja heimilinu hafðu það ljúft Elskuleg

[Lísa Björk Ingólfsdóttir, 29.10.2008 kl. 13:55]

Mömmum finnst ljúft að hafa ungviðið nálægt sér en margt ungviðið er nú ekki til í að hafa mömmu í næsta húsi alla tíð - en það fer sko eftir mömmum.  Sú mamma sem fær ungviðið í andardráttsfjarlægð er góð mamma

[Tiger, 29.10.2008 kl. 15:36]

 Úff .. það er satt .. alltaf gott að hafa blessaða afleggjarana sína nálæga svo maður geti haft augun á þeim sko! Veistu, ég gruna að kisurnar eigi eftir að verða yfir hjá þér most of the time. Þær rata langar leiðir og finna lyktina af gamla staðnum svo langt frá að þær verða fljótar yfir aftur ...

Knús og kram á þig Jóna mín ...