huxa

24.1.2009 | 01:22

Ég hlustaði tvisvar á viðtalið

Og ég skil ekki upphlaupið sem varð vegna þessa viðtals. Las fólk bara þessa villandi frétt og lét móðan mása? Ég stend með Herði og mótmælafundunum, og mun mæta á morgun eins og undanfarna 15 laugardaga. Ég ætla að hlusta á ræðumennina á morgun þær Katríni Snæhólm og Hildi Helgu, ég hlakka til þess að heyra hvað þær hafa að segja. Lifi eldhúsáhaldabyltingin.

	Hænuskref í rétta átt
Ábyrgðarmaður færslu Tilkynna um óviðeigandi tengingu við frétt

Flokkur: Dægurmál | Facebook

Athugasemdir

Já Jóna mín, Skinhelgin skýtur víða upp kollinum þessa dagana.

Varðandi morgundaginn þá held ég að Guðmundur Andri verði þriðji ræðumaður, sem er ekki slæmt.

Ein sem á að vera að skrifa ræðu...

Hildur Helga Sigurðardóttir, 24.1.2009 kl. 01:31

Gangi þér vel með ræðuskrifin

Jóna Kolbrún Garðarsdóttir, 24.1.2009 kl. 01:45

Vildi að ég gæti mætt á morgun, en ég er að vinna til kl. 16:00 og get ekki hætt fyrr. Óska ræðumönnum góðs gengis og hlakka til að heyra hvað þau sögðu.

Sigrún Jónsdóttir, 24.1.2009 kl. 02:37

----
Wrong answer 101

Sem blaðamaður þá setur þú viðmælanda inn í málið og spyrð hann spurningar.
Síðan kveikir þú á upptökutækinu og spyrð hann óræðrar spurningar sem engu máli skiptir í raun nema sem framhald af fyrri spurningu.

Viðmælandi þinn sem nú á traust þitt. Svarar samviskulega.

Ef þú vilt láta viðmælanda líta enn ver út skellir þú í miðri ræðu hans spurningu sem hann átti alls ekki vona á að verða spurður.

Með þessu hefur þú séð til þess að viðmælanda vefst tunga um tönn.

Þegar þetta er klippt og birt er breytt um fyrirsögn.

------------

Þetta eru svo augljós vinnubrögð að ég á ekki til orð.
Það er hafið stríð hér á landi sem aldrei fyrr um orð og tjáningarfrelsi.
Allir þeir sem ekki tjá sig með samskonar orð og setningarskipan og valdstjórnin eru úthrópaðir á torgum með fáránlegum svívirðingum sem menn ættu ekki einu sinn að láta út úr sér í einrúmi.

Stjórnvöld gera allt til þess að fólkið í landinu taki ekki af þeim völdin og landið sem þau telja sig ein eiga og geta ráðstafað

Þetta þarf að stöðva

Við erum þjóðin

Landið er okkar