Ég var að lesa Bændablaðið í kvöld

Þar var viðtal við nokkra finnska bændur um ESB.  Þetta var áhugaverð lesning.  Ætla ég að segja smá frá því.  Þetta Bændablað er gefið út 22.04 2009.  

 Kjell-Göran Paxal svínabóndi segir " Liggur við að fylla þurfi út eyðublað til að fara á fætur"  og þetta " Ég greiddi atkvæði gegn því að Finnland gengi í Evrópusambandið og er ég alveg viss um að það hefur ekki orðið bændum til góða að inngangan var samþykkt, við verðum hins vegar að lifa með þessu, þó mér líki það djöfullega"   Árið 1994 fékk hann sem samsvarar 3 evrum fyrir kílóið af svínakjköti en í dag er upphæðin helmingi lægri.  Svo er hér viðtal við annann finnskan bónda.   Hendrik Strandberg kúabóndi telur að ESB- aðild geti ógnað fæðuöryggi Íslands.   Svo nefnir hann hversu mikil uppbygging hafi verið undanfarin ár, árið 1991 hafi verið eitt hundrað mjólkurbændur í Nykaleby.  Nú séu þeir einungis 36 eftir . Samt sem áður sé ennþá sama framleiðsla á svæðinu. 

  Christer Finne garðyrkjubóndi í Solf í Finnlandi varar Íslendinga við því að sækja um Evrópusambandsaðild.  Hann segir "Pappírsvinnan er yfirgengileg, hann segir að það taki heila 10 vinnudaga að fylla út skýrslur og eyðublöð.  Eftirlit með landbúnaðinum sé smásmugulegt."  

Ég sjálf er alfarið á móti aðildarviðræðum við ESB, skriffinnskan þar er víst með ólíkindum mikil, ekki vantar okkur að auka skrifræðið hérna á Íslandi.  

 

Stjórnarsáttmáli í smíðum

Athugasemdir

[Lilja Guðrún Þorvaldsdóttir, 3.5.2009 kl. 17:43]

Athyglisvert!  Sérstaklega í ljósi þess hve allir Finnar lögðu mikla áherslu á það í viðræðum okkar í milli, og í þeim ræðum sem þeir héldu,  hvað mikil breyting til góðs hafi orðið við inngöngu Finna í ESB.  Og allir hvöttu okkur til þess að skoða hug okkar til ESB og ganga í sambandið. -

Mikið væri það athyglisvert ef þú fengir þessi viðtöl á finnsku, og sjá þannig hvað þessir bændur sögðu í raun, og einnig líka hvenær þessi viðtöl voru tekin.

þetta er nefnilega þvert á það sem fólkið sem ég ræddi við sagði.

En auðvitað fylgir öllum breytingum skriffinnska , það gefur bara auga leið. Ég veit ekki betur en að atvinnurekendur kvarti enn undan virðisaukaskattinum og skriffinskunni í kringum hann ennþá, þrátt fyrir að hann hafi verið við lýði í yfir 20 ár.

[Jóna Kolbrún Garðarsdóttir, 4.5.2009 kl. 01:05]

Blaðamaður Bændablaðsins tók þessi viðtöl við finnska bændur í Finnlandi.  Ekki sá ég nafnið á blaðamanninum.   Ég efast stórlega um það að viðtölin hafi farið fram á finnsku.

[Lilja Guðrún Þorvaldsdóttir, 4.5.2009 kl. 22:16]

Var nafn blaðamannsins ekki undir greininni? - Ef nafn blaðamanns er ekki undir greininni, þá er spurningin hvort að blaðamaður Bændablaðsins hafi tekið greinina upp úr öðru blaði.

Það er skrítið að blaðamaðurinn merki ekki greinina hafi hann sjálfur tekið viðtalið.

Og þá er spurningin var þetta nýtt eða gamalt viðtal. 

Hver tók viðtalið og hvenær var það tekið.  Það er stóra spurningin?

[Jóna Kolbrún Garðarsdóttir, 5.5.2009 kl. 01:43]

Ég veit að margir Finnar eru hlyntir ESB en bændur eru greinilega á öðru máli samkvæmt þessu sem ég las, í Bændablaðinu.