Verkefni fyrir Evu Joly?

Hvernig væri að hún og þeir starfsmenn sem hún ræður til vinnu, byrjuðu á því að rannsaka fjármálaeftirlitið?  Er ekki sniðugt að byrja á byrjuninni?  Ég treysti ekki fyrrverandi yfirmönnum bankanna hrundu til þess að rannsaka málin almennilega.  Ég hef trú á því að margir starfsmenn fjármálaeftirlitsins séu vanhæfir til starfa þar. 

Máli Sigurjóns vísað til FME

Athugasemdir

[Jenný Stefanía Jensdóttir, 15.6.2009 kl. 07:08]

Já er það von að spurt sé Jóna Kolbrún.

Vantraustið á öllum þessum "stoðum" þjóðfélagsins er að verða algjört.

Stóra vandamálið sem glímt er við eru varðhundarnir, sem nauðsynlegt er að berja niður einn og einn, og sérstaklega þá þegar þeir gefa færi á sér líkt og einn slíkur nú um helgina.

Hef samt enn trú á fólki og þeim starfsmönnum sem hafa unnið samviskusamlega, en undir kolómögulegum pólitísk æviráðnum yfirvarðhundum, sem nú þarf að berja niður og hreinsa út, svo sprotarnir og fræin innan þessara stofnana fái að blómstra og dafna eins og þeim ber og hafa metnað til. 

[Sigrún Aðalsteinsdóttir, 15.6.2009 kl. 13:30]

Fjármála- og stjórnkerfi þessa lands er rotið inn að beini.  Það koma endalaust upp einhver svik og svínarí og virðist taka endalausan tíma að vinna í þessum málum. 

Það væri fínt ef Joly myndi ráða þessu algjörlega, jafnvel mannaráðningum.  Við vitum að það fyrsta sem hún myndi gera væri að reka algjörlega óhæfan ríkissaksóknara og væri það hið besta mál.  En það má ekki.  Ríkissaksóknari á sjálfur að taka ákvörðun um hæfi sitt.  Hvers konar vitleysa er þetta, er maðurinn æðsti maður ríkisins, æðri forsætisráðherra og dómsmálaráðherra?  Það er eitthvað mikið skrítið við þetta allt saman.

[Jóna Kolbrún Garðarsdóttir, 15.6.2009 kl. 16:02]

Já stjórnkerfið virðist rotið inn að beini.