Hah!! ég hlæ að tóbaksgjaldinu

Ég er hætt að reykja.  Ég er búin að vera reyklaus í 3 daga..  Það er verra með áfengisgjaldið, þar sem ég er að vinna á bar fæ ég yfirleitt skammir frá viðskiptavinunum þegar áfengið hækkar.  Samt er ég alsaklaus, það er ekki eins og ég ráði hækkunum.  Ég bara vinn á barnum. 

   Ég verð samt að viðurkenna að ég átti erfitt áðan, mig langaði svo til þess að reykja.  En ég ætla að standa mig, til þess að losna við þessa skattheimtu, og kannski græða betri heilsu í leiðinni.

Boðar auknar álögur á áfengi og tóbak

Athugasemdir

[Ragnheiður , 27.6.2009 kl. 04:32]

Dugleg !

ég er komin á fimmta mánuð

[Dúa, 27.6.2009 kl. 05:12]

840 kr pakkinn!

Endar með þeim ósköpunum að maður hættir

[Sigurður Þórðarson, 27.6.2009 kl. 06:28]

Til hamingju með reykbindið.

Þú er búin með erfiðasta tímann, stattu þig.

[Sigrún Jónsdóttir, 27.6.2009 kl. 07:20]

Frábært Jóna Kolbrún, til hamingju

[Sævar Einarsson, 27.6.2009 kl. 09:12]

Varla er að hlátursefni að ef þú skuldar lán þá bitna þessar skattahækkanir á þér og öllum sem skulda lán, þetta hækkar vísitölu, verðtryggingu, matur hækkar, allt hækkar.

Það á frekar að setja flatan 25% skatt á allt, þannig fer fólk að hætta að stunda svarta starfsemi, maður fær meira útborgað, eyðir meira í mat, vín, tóbak, bíó, skemmtanir, ferðalög og svo mætti lengi telja. Það styrkir allar stoðir fyrirtækja, það verður ekki fyrir samdrætti vegna þess að fólk hættir að lifa á núðlum, gangi þér svo vel að hætta að reykja, ég ætla að reyna atlögu 4 fljótlega.

[Lilja Guðrún Þorvaldsdóttir, 28.6.2009 kl. 00:30]

Gott hjá þér Jóna Kolbrún ég vissi að þú gætir þetta, ef þig langar í þá skaltu bíða með það í 5 mínútur, og sannaðu til eftir 5 mínútur langar þig ekki lengur í, því þú ert upptekin við annað. Gangi þér vel.

[Jóna Kolbrún Garðarsdóttir, 28.6.2009 kl. 02:11]

Ég vil samt sjá það að tóbak, áfengi og bensín verði tekið út út vísitölunni.  Vegna þessarra hækkana sem stjórnin ætlar að láta yfir okkur ganga.  Burt með verðtrygginguna.!!!!