Galdurinn við súrdeig

Er það ekki að klípa smá af gamla deiginu og láta það með nýju deigi, geyma það svo þangað til það byrjar að súrna?  Ég er ekki alveg klár á þessu.  En ég man þegar ég var að vinna í Frón í gamla daga og hrærði Matar og Mjólkurkexið þá var alltaf afgangur af deigi gærdagsins blandað saman við nýja deigið og þannig gekk það koll af kolli.  Að vísu er kexið ekki gerdeig eða súrdeig, þar sem hefað var með matarsóda og hjartasalti. 

Veltir hundruðum milljóna á 17 ára gömlu súrdeigi

Athugasemdir

[Sólveig Hauksdóttir, 17.9.2009 kl. 06:59]

Jú, ef maður ætlar að búa til súrdeig frá grunni byrjar maður á að blanda smá hveiti og smá vatni í litla skál og lokar henni með matarfilmu, lætur standa í 24 tíma og byrjar svo að "fóðra" súrdeigið á 12 tíma fresti með hveiti og vatni. Eftir 3-7 daga er deigið tilbúið til notkunar og þá passar maður að skilja alltaf ca. 1/2 kg eftir og heldur áfram að fóðra það.

Önnur leið er að taka smá klessu af gerdeigi frá þegar maður er að baka, geyma og hnoða inn í deigið næst þegar maður bakar, taka aftur klessu frá o.s.frv. og smám saman styrkist súrdeigið og maður fær bragðmeira brauð - og þarf ekki að nota eins mikið "viðbætt" ger.

[Jón Snæbjörnsson, 17.9.2009 kl. 09:10]

þetta er fróðlegt - sjá hvort maður prufi þetta ekki - Jóna þú fyrst og býður svo kanski í kaffi ?

[Guðrún Emilía Guðnadóttir, 17.9.2009 kl. 16:41]

Þetta er dagsatt og svona gerum við húsmæður sem bökum, alveg eins var með Kákasus gerilinn sem afi gerði sér súrmjólk úr, hann var með sama gerilinn í áraraðir, afar skiljanlegt fyrirbæri.

Endilega mega allir koma í brauð og kaffi til mín, bara með góðum fyrirvara svona ef ég ætti ekkert í frysti.

Kveðja
Milla