PricewaterhouseCoopers og KPMG eru fyrirtæki sem starfa á Íslandi

    Ekki er ég að skilja hvers vegna fyrirtæki fá svona útlensk nöfn, kannski er KPMG íslensk skammstöfun en ég man ekki eftir að hafa séð fyrir hvað það stendur.  Þess vegna geri ég ráð fyrir að bæði nöfnin séu útlensk. 

     Ég hef stundum verið að hugsa það undanfarið ár hvers vegna ársreikningar og gróðatölur ýmissa fyrirtækja væru svona góðar, jafnvel ár eftir ár.  Svo kom skýringin spillingin hafði plantað sjálfri sér víða í íslensku þjóðfélagi.  Það voru ekki bara útrásarvíkingar sem settu þjóðfélagið á hausinn, þeir þurftu einhverja sem hjálpuðu þeim. 

    Núna er kannski að koma í ljós hverjir hjálpuðu þeim, spillingarliðið er ótrúlega víða í þjóðfélaginu.  Og ennþá er það við völd, til dæmis núverandi stjórn, sem er kennd við Samspillinguna, það á ekkert að gefa eftir í spillingarmálunum.

     Það er kominn tími til þess að við, fólkið í landinu mæti á mótmæli og láti heyra í sér hvar sem því verður viðkomið.  Í vinnunni, skólanum, úti á götu og hvar sem er. 

Grunur um fjölda brota

Athugasemdir

[Jóna Kolbrún Garðarsdóttir, 2.10.2009 kl. 01:13]

PS: það er verið að endurreisa gamla bankakerfið, það á engu að breyta.  Sami grautur í sömu skál, aftur og aftur. 

[Jenný Stefanía Jensdóttir, 2.10.2009 kl. 01:45]

Sæl Jóna

Þessi virðulegu endurskoðendafyrirtæki eru í alþjóðlegu samstarfi við þessi "stóru" KPMG, Deloitte, Pricewaters, og fleiri.  Þannig fá þeir ákveðinn alþjóðlegan gæðastimpil af því að þeir eru svo svakalega stórir og "eiga að vinna" eftir vönduðum alþjóðlegum gæðastöðlum.

Vonandi fellur ekki kusk á hvítflibba þessara risa-alþjóðlegu-endurskoðendafyrirtækja vegna háttsemi íslenskra endurskoðenda.

[Jóna Kolbrún Garðarsdóttir, 2.10.2009 kl. 01:50]

Gæðastaðlarnir hafa greinilega ekki fylgt útlensku nöfnunum, þessi fyrirtæki eru ábyrg fyrir ársreikningum ýmissa þekktra fyrirtækja hérna á Íslandi.