Já, ég er fylgjandi hálaunaskatti

En hvað er að hjá stjórnarherrunum?  Það að hækka virðisaukaskattinn eins og hér segir " 7%, en vsk. á bækur, geisladiska og hótelgistingu tvöfaldist og verði 14%. Vsk. á kex, gosdrykki og safa hækki úr 7% í 25%"  finnst mér ekki í lagi. 

 Á meðan þessar skattahækkanir eru ræddar, fær spillingarliðið ennþá ofurlaunin fyrir það að gera nákvæmlega það sama og fyrir hrunið.  Ekki hefur ein króna verið spöruð í óráðssíunni í stjórnsýslunni.  Bankastjórar sem létu banka fara á hausinn og fengu kúlulán niðurfelld, eru bankastjórar í nýju bönkunum.  Ekki einn af spillingarliðinu hefur misst vinnuna, stjórnvöld þora ekki að láta þetta fólk fara. 

Ég trúi því að ekki fyrr en við fólkið komum þessu spillingarliði frá, geti alvöru uppbygging hafist.  Á nýjum forsendum.  Spillingarliðinu verður að koma frá völdum fyrr verður ekki friður hérna á Íslandi.  Fyrr læknast fólk ekki af þessarri áfallasteituröskun sem virðis hrjá marga í dag. 

47% skattur á launatekjur?

Athugasemdir

[Þráinn Jökull Elísson, 10.11.2009 kl. 01:39]

Það þarf að taka til í skilanefndum bankanna. Þar eru þeir sem maka krókinn. Bið að heilsa genginu.

[Sigrún Aðalsteinsdóttir, 10.11.2009 kl. 16:57]

Fólk hefur nú misst vinnuna fyrir minni sakir.  Þetta er alveg óþolandi ástand og svo virðist sem hlutirnir verði óbreyttir áfram.