Ástarbréf?

Ég skil ekki hvernig nokkrum manni dettur í hug að kalla þessi eitruðu skuldabréf ástarbréf.  Jón Jónsson gat ekki fengið smá lán án ábyrgðarmanna eða almennilegra fasteignaveða. 

Útrásarbarónarnir fengu lán, bara vegna ástar seðlabankastjóranna á þeim?  Þannig lítur þetta allavega út fyrir mér.  Einkavinaástarbréfin hafa kostað okkur þjóðina mörg hundruð milljarða. 

 Ég vil að stjórninni verði steypt af stóli og embættismenn reknir.  Núna verður almenningur að fara að taka af skarið og reka þetta fólk sem ætlar að hneppa börnin okkar og barnabörn í þrældóm.

Afdrifarík mistök

Athugasemdir

[Hanna, 15.12.2009 kl. 03:25]

Ertu í alvörunni ekki alveg í sambandi?

Ríkisstjórnin sem bar ábyrgð var rekin í apríl.

Seðlabankastjórinn var síðan rekinn í kjölfar nýrrar ríkisstjórnar.

Bara svona til að upplýsa þig um það sem hefur verið að gerast síðustu mánuði. Þar sem þú virðist vera ein af þeim sem ert mjög fljót að gleyma. Líklega mundir þú kjósa sjálfstæðisflokkin aftur til að leifa þeim að halda áfram að riðlast á þjóðinni eins og þeir eru búnir að gera síðastliðin 18 - 20 ár.

[Ásthildur Cesil Þórðardóttir, 15.12.2009 kl. 09:27]

Þó maður treysti ekki núverandi ríkisstjórn er ekki þar með sagt að maður sé búin að gleyma Sjálfstæðisflokknum og Framsókn.  Nei hér þarf eitthvað meira til.  Ég vil sjá sameiningu Hreyfingarinnar, Frjálslyndaflokksins og þeirra sem eru með heilli há í Vinstri grænum, Lilju Mósesdóttir og Ögmund Jónasson.  Ef þau gætu myndað breiðfylkingu af nýju fersku fólki er ég viss um að fjórflokkurinn myndi minnka til muna.  Hér þarf byltingu ekki gamla belgi inn aftur og aftur.  Það má benda á að Samfylkingin er alls ekki saklaus af hruninu eins og hún reynir að telja fólki trú um.  Frú Ingibjörg er blóðug upp fyrir axlir í því dæmi. 

[Sigrún Aðalsteinsdóttir, 15.12.2009 kl. 11:05]

Stjórnkerfið í þessu landi er spillt, það virðist vera alveg sama hvaða flokkar eru við stjórnartaumana.  Allt saman tóm einkavinavæðing og níðingsskapur gagnvart almenningi.

[Jóna Kolbrún Garðarsdóttir, 16.12.2009 kl. 02:14]

Hanna ég óska þér til hamingju með skoðanir þínar.  Þú er svo vel upplýst!!  Hvar hefur þú verið allt mitt líf?  Þú þarft ekki að upplýsa mig, ég afla mér upplýsinga á hverjum degi!!