Hvernig væri að breyta áherslum?

Og setja alla erlenda glæpamenn í farbann og út á götu?  Hefur það ekki reynst besta ráðið til þess að losna við þá úr landinu.  Ég segi hiklaust farbann á þá alla, þá sparast kannski stórfé sem færi annars í uppihaldi glæpamannanna á Litla Hrauni.   Svo er mjög aðkallandi að glæpamenn frá útlöndum verði sendir til heimalandsins til afplánunar, þannig væri hægt að spara stórfé.

 Það er verst að endurkomubann virðist ekki virka, menn sem eru í endurkomubanni eru að finnast hérna á Íslandi.  Kannski ættu stjórnvöld að taka upp tímabundna vegabréfaskoðun eins og Siv Friðleifsdóttir leggur til?

Tímabundið vegabréfaeftirlit?

Athugasemdir

[Eygló, 5.11.2009 kl. 01:17]

Hvernig á að reka menn til heimalandsins ef þeir hafa verið settir í farbann?!!

"í farbann og út á götu"

Nú er komið svo, að ég skil lítið í þér, og ég sem les eiginlega alltaf pistlana þína

[Jóna Kolbrún Garðarsdóttir, 5.11.2009 kl. 01:45]

hehe takk fyrir að lesa pistlana mína, þrátt fyrir athyglisbrestinn sem ég þjáist af.  Stundum gleymi ég að lesa yfir það sem ég hef skrifað :) 

[Jóna Kolbrún Garðarsdóttir, 5.11.2009 kl. 01:48]

Reyndar gleymi ég því alltaf, en verst er þegar ég hef skrifað  næstum því sömu færsluna oftar en einu sinni...

[Jóna Kolbrún Garðarsdóttir, 5.11.2009 kl. 01:50]

 Það sem ég var að reyna að segja var, flestir glæpamenn sem settir hafa verið í farbann og út á götu hverfa úr landi, alveg óvart!!! 

[Eygló, 5.11.2009 kl. 01:52]

Elskan mín, nefndu þetta ekki ógrátandi.

Eina bommertan sem ég held að ég hafi samt gert á blogginu, var þegar ég setti athugasemd hjá vitlausum síðueiganda.

Fékk upphrópandi fyrirspurn um hvað ég eiginlega meinti (ekki skrítið) með "heilalausum aumingjum". Það átti vel við í hálfkæringi ÞAR sem það ÁTTI að standa, en kom einstaklega dónalega út þar sem það LENTI.

[Jóna Kolbrún Garðarsdóttir, 5.11.2009 kl. 01:56]