Ég er heppin að sjá yfir Reykjanesið út um stofugluggann minn

Það fór ekki framhjá mér þegar þrumu og eldingaveðrið gekk yfir Reykjanesið seinnipartinn.  Svo gekk veðrið yfir hérna vestur af Seltjarnarnesinu.  Þær voru tilkomumiklar þrumurnar þegar veðrið nálgaðist Nesið.  Hundurinn minn var frekar hræddur og kisurnar skrýtnar á svipinn og eyrun á þeim í allar áttir. 

Svo þegar ég fór í göngutúr með hundinn minn í kvöld, var mikill ljósagangur vestur af Seltjarnarnesinu. Heiðgræn norðurljós sem dönsuðu og voru frekar víðáttumikil.  Ég var svo spennt að sjá loksins almennileg norðurljós að ég dreif hundinn minn og elstu dóttur mína með mér á bílnum út í Suðurnes.  Þegar við komum þangað var mest lítið um norðurljós, smá skíma á norðvestur himni.  Það liðu aðeins 5 mínútur frá því að norðurljósin voru út um allt á vesturhimni, og svo allt í einu horfin að mestu. 

Ég fagna því samt að það virðist vera að lifna yfir sólinni, miðlungs sólgos og sólblettir voru víst á sólinni í fyrradag. 

Þrumur og eldingar

Athugasemdir

[Hildur Helga Sigurðardóttir, 21.1.2010 kl. 01:51]

Eldingarnar stóðu nú fyrir sínu !

[hfinity (IP-tala skráð) 21.1.2010 kl. 02:05]

http://spaceweather.com/ - Efsta fréttin -- Svo segir nú bara að virknin sé orðin mikil hjá henni blessuðu stjörnunni okkar :=

[Jóna Kolbrún Garðarsdóttir, 21.1.2010 kl. 02:24]

http://asthildurcesil.blog.is/blog/asthildurcesil/entry/1008118/#comments   ég vil hvetja alla sem reka nefið hingað inn að skoða bloggið hennar Ásthildar Cesil.  Ég er henni sammála í þessarri færslu.  100% sammála henni.

[Ásthildur Cesil Þórðardóttir, 21.1.2010 kl. 09:33]

Hér eru aldrei eða afar sjaldan þrumuveður, en mér finnst rosalega gaman í svoleiðis verði.  Þetta er svo tilkomumikið.