Ég er í slæmu skapi, vegna spillingarmála

Ég hef ekki geð í mér til þess að blogga mikið núna, það er stutt í það að Gamla Ísland verði endurreist að fullu.  Spillingin er svo yfirgengilega mikil að mér fallast hendur á hverjum degi, vegna frétta af allskonar spillingarmálum.

  Ég held að þingmenn ættu að hætta að nota orðin háttvirtur og hæstvirtur á Alþingi okkar Íslendinga.  Vegna ýmissa upplýsinga um þingmenn, fjármál þeirra og brask.  Væri kannski meira viðeigandi að segja herra braskari, eða frú kúlulán.  Eða kannski herra viðskiptalánaþegi og lánveitandi.  Herra fyrrverandi stofnfjáreigandi og gróðapungur.  Eða kannski herra afskriftakóngur eða frú afskriftadrottning.