OFFORS RÍKISSTJÓRNARINNAR KNÝR Á UM ÞJÓÐARATKVÆÐAGREIÐSLU

Þetta eru orð Jóhönnu Sigurðardóttur árið 1998. 

Hér er öll ræðan hennar/bloggfærsla... Fengið af síðu Samfylkingarinnar. 

"

29. desember 1998

Þjóðaratkvæðagreiðsla styrkir lýðræðið

OFFORS RÍKISSTJÓRNARINNAR KNÝR Á UM ÞJÓÐARATKVÆÐAGREIÐSLU
Hér á landi búum við gjarnan við samsteypustjórnir og með slíkum ríkisstjórnum er auðveldara að semja sig frá kosningaloforðum. Við höfum orðið vitni að því í samskiptum þeirra tveggja flokka sem hafa verið í ríkisstjórn á þessu kjörtímabili sem senn lýkur, að sett eru fram stór mál sem ekki hafa verið rædd í kosningabaráttunni.
Miðhálendismálið er slíkt mál og hefði fyllilega komið til skoðunar að fara með það í þjóðaratkvæðagreiðslu. Mál sem stjórnarflokkarnir minntust heldur ekki á í kosningabaráttunni var að festur var í sessi eignarréttur landeigenda , þannig að þeir geta í krafti eignarhalds og nýtingar á auðlindum rakað til sín stórkostlegum fjármunum, ef þjóðin þarf að nýta auðlindir sem finnast á jarðeignum þessara landeigenda.
Sama gildir um gagnagrunn á heilbrigðissviði, sem færir einum aðila einkarétt á miklum þjóðarauði, sem eru heilsufarsupplýsingar þjóðarinnar. Þeir sögðu þjóðinni heldur ekki í kosningabaráttunni að þeir ætluðu að leggja niður félagslega íbúðakerfið sem þjónað hefur láglaunafólki í 70 ár. Áhrifa þessara gjörða ríkisstjórnarinnar má m.a. sjá í því að 1200-1500 einstaklingar og fjölskyldur eru nú á biðlista eftir leiguíbúðum.
Þessi mál, sem hafa grundvallarþýðingu fyrir hag og velferð þjóðarinnar og sem knúin voru í gegn mörg hver í mikilli andstöðu við meirihluta þjóðarinnar sýna að nauðsynlegt er að hafa slíkan málskotsrétt sem þjóðaratkvæðagreiðsla er í stórum og umdeildum málum.
Á MÁLASKRÁ SAMFYLKINGARINNAR
Á Íslandi er í mjög fáum tilvikum hægt að láta þjóðaratkvæðagreiðslu fara fram. Það á við ef 3/4 hlutar þingmanna greiða atkvæði með tillögu um að forseti lýðveldisins verði leystur frá embætti, ef forseti synjar staðfestingu á lagafrumvörpum og ef gerðar eru breytingar á kirkjuskipan landsins með lögum.
Réttur fólksins til atkvæðagreiðslu er einnig bundinn minni háttar málum eins og opnun áfengisútsölu eða hvort leyfa skuli hundahald. Eins og við þekkjum hefur forseti lýðveldisins frá stofnun þess aldrei neitað staðfestingu á lagafrumvarpi, sem honum er heimilt samkvæmt stjórnarskránni, þannig að það færi í þjóðaratkvæðagreiðslu.
Fyllilega getur komið til greina að afnema þenna rétt forseta lýðveldisins en heimila þess í stað þjóðaratkvæðagreiðslu,. Það ætti að vera óþarft eða a.m.k. ekki eins mikil ástæða til þeirrar heimildar ef opnaðist fyrir þann lýðræðislega rétt fólksins að stór mál fari í þjóðaratkvæðagreiðslu ef fimmtungur kosningarbærra manna óskar þess.
Ljóst er af umræðum á þessu kjörtímabili um þetta frumvarp að stjórnarflokkarnir hafa lítinn áhuga á að tryggja fólkinu þann rétt sem felst í heimild til þjóðaratkvæðagreiðslu. Aftur á móti er þetta mál að finna í málaskrá samfylkingarinnar, sem eitt af mörgum framsæknum málum sem samfylkingin mun beita sér fyrir."

Það er ekki slæmt að geta sannað svona hvernig henni Jóhönnu og Samfylkingunni hefur snúist hugur.  Þau eru í dag á móti lýðræði og þjóðaratkvæðagreiðslum..,.,.

Á ekki að spyrja svona vitleysislegra spurninga

Athugasemdir

[Helga Kristjánsdóttir, 18.2.2011 kl. 00:16]

  Enda heyrðirðum við í fréttatíma Ruv. er Jóhanna Vigdís var að segja fréttir af áskorana lista til forseta,  að  þá kom alltí einu,tilkynning frá forsætisráðherra; Hún hefði aldrei verið +á móti þjóðaratkvæðagreiðslu.ef þau fjölluðu  ekki um fjármál;. Það var alla vega einhver afmörkuð mál sem að hennar dómi, m-ættu að fara í þj.atkv.greiðslu. Frosti hafði 2 á sér í Kastljósi,þetta finnst þeim í lagi hjá Ruv. Frosti hefði getað sagt frá árásunum sem voru gerðar á Kjósum.síðuna,oftar en einu sinni. KV.

[Andrés.si, 18.2.2011 kl. 02:30]

Á ekki bara senta þetta á Jóhönnu, prenta jafnvel og líma einhver stað.  Hún er ekki blind, sem stendur og ekki alveg minnis laus, því borga sig að fara af stað.

[Jóna Kolbrún Garðarsdóttir, 18.2.2011 kl. 03:05]

Jóhanna er ekki lengur jafnaðarmanneskja, ef hún væri það í dag væri þjóðaratkvæðagreiðsla ekki til umræðu í dag...  það væri sjálfsagður hlutur að svona stór ákvörðun væri lögð fyrir þjóðina....

[Helga Kristjánsdóttir, 18.2.2011 kl. 11:37]

  Andrés minn hún er blind og heyrnarlaus á allt sem við segjum og skrifum,þú ert búinn að vera aldeilis góður liðsauki. Kv.