Rólegheit

Það er aftur rólegt hérna heima hjá mér.  Jóna Salvör og Daníel eru farin norður í Fljótin, Aðalheiður er á Akureyri og örverpið er hjá föður sínum þessa helgi.  Bara ég, frumburður og sonur erum heima.  Ég grillaði æðislegan mat í kvöld, lambatvírifjur og humar.  Maturinn var alveg ótrúlega góður.  Ég skellti humarskeljunum í pott og sauð þennan líka fína grunn að næstu humarsúpu.   Um helgina á að taka vel á því og þrífa, ég er búin að þvo tvær þvottavélar í kvöld og næsta verður búin að þvo í fyrramálið um 10 leitið.  Svo ætla ég að fara í Grasagarðinn í Laugardal annað kvöld, ég fer þangað á hverju sumri til þess að skoða íslenskar plöntur.  Það er engu líkt að fá sér gönguferð í Grasagarðinum á fallegu sumarkvöldi.   Ein sem elskar náttúruna, og blómin