Þetta klúður er kannski ástæðan?

Fyrir því að rekstur strætisvagnanna gengur svona illa.  Slæmar fjárfestingar í þessu smartkortakerfi, sem hefur aldrei verið notað.  Þetta er náttúrulega bara spilling, að henda tugum, eða hundruðum milljóna í svona gæluverkefni.  Var einhver stjórnarmaður Strætisvagnanna skyldur einhverjum í þessu smartkortafyrirtæki?  þetta er ekki eðlilegt.

Smartkortakerfið klúðraðist

Athugasemdir

[Einar Örn Einarsson, 17.8.2008 kl. 02:34]

Klúður.

En bíllinn minn var á verkstæði um daginn.

Þurfti að nota strætó í nokkra daga, hafði ekki gert til margra ára, fór á straeto.is áður en ég þurfti að fara eitthvað, og mér líkaði vel

[Jóna Kolbrún Garðarsdóttir, 17.8.2008 kl. 02:39]

Þetta smartkortakerfi átti að vera þannig að ekki þyrfti að hafa smápeninga á sér í strætó, bara þetta smartkort.  Svo átti það að virka í stöðumæla og ýmislegt annað.  Ef ég man rétt.

[Einar Örn Einarsson, 17.8.2008 kl. 03:25]

Jú það var eitthvað svoleiðis.

Strætó er dálítið olnbogabarn því miður.

[Jens Guð, 17.8.2008 kl. 05:16]

  Ég hef ekki notað strætó í áratugi en tók strætó um daginn frá Kópavogi niður á Hlemm.  Ég tók strætóinn frá gatnamótum Kringlumýrarbrautar og Nýbýlavegs.  Ég beið eftir vagni í næstum hálftíma.  Þá skyndilega komu 3 vagnar allir á sömu mínútu.  Þeir voru merktir mismunandi leiðum en fóru allir niður á Hlemm frá Kópavoginum.

  Mér var sagt að þetta væri til þæginda fyrir farþega sem vilja skipta um vagn þarna í brekkunni.  Vissulega rök.  Ég hef þó grun um að fleiri bíði eftir vagni þarna en skipti um vagn þarna.  Að minnsta kosti skipti enginn um vagn í þetta skipti en nokkrir biðu eftir vagni. 

  Er ekki betra að dreifa þessum vögnum þannig að einn vagn komi á stoppistöðina á 10 mín fresti? 

  Fyrir aldarfjórðungi vann ég við Suðurlandsbraut.  Þá var sami háttur hafður á.  4 vagnar sem óku úr Árbæ,  Breiðholti og Vogahverfi renndu þar um á leið niður á Hlemm.  Allir komu á sömu mínútu og svo liðu 20 mín á milli. 

  Á þeim tíma voru rökin þau að þetta væri heppilegt í snjó og ófærð.  Ef einhver vagn festi sig á Suðurlandsbraut gætu farþegar hans fært sig yfir í aðra vagna. 

  Á þessum árum notaði ég strætó daglega og man aldrei eftir að vagn festi sig á Suðurlandsbraut.  

[busblog.is, 17.8.2008 kl. 11:57]

Blaðamaður er hógvær í skrifum sínum um greiðslukerfið. Við höfum heyrt að það sé nærri 500 milljónum sem fóru í þetta kerfi. Og afhverju? Eins og gengur hjá strætó er oftar en ekki verið að "spara". Í staðin fyrir að kaupa kerfi erlendis frá sem var tilbúið til notkunar var keypt "ódýrara" kerfi sem þurfti að spinna endalaust í kringum með endalausum kostnaði. Það varð allt vitlaust út af 500 milljóna kostnaði við Grímseyjarferju sem er þó til í dag.  Greiðslukerfi strætó er ekki til lengur! Út úr því hefur reyndar verið búið til dýrasta skiptimiðakerfi í heimi!

Afhverju fer ekki fram opinber rannsókn á þessu máli?

Mbl.is: "Anna Skúladóttur, fyrrum fjármálastjóri Reykjavíkurborgar, segir hugmyndina að baki verkefninu standa fyrir sínu þótt því hafi ekki lyktað eins og vonir stóðu til".   Það er eitthvað að þegar hægt er að réttlæta 500 milljón króna fjáraustur í eitthvað sem er svo ekki til þegar yfir lýkur. Það er þó hægt að segja um Tetra talstöðvakerfið (þrátt fyrir sína galla) sem hefur kostað hundruðir milljóna króna, að það er þó til í dag.