Hagsýni dóttur minnar

Frumburðurinn hlustaði á samtal í kvöld þar sem maður var að tala við konu í vinnunni hennar.  Maðurinn dásamaði eigin hagsýni og aðhaldsemi, og máli sínu til stuðnings benti hann á dóttur mína.  Og hafði það á orði að þessi kynslóð væri glötuð.  Hann mærði gamla GSM símann sinn sem var orðinn 3ja ára gamall, og svo talaði hann um skuldsetningu unga fólksins.  Hann væri ekki í svona slæmum málum og eins og fólk á þessum aldri og benti aftur á dóttur mína.  Hún litla prinsessan blandaði sér í samtalið og spurði hvað var GSM síminn þinn aftur gamall, karlinn sagði eldri en 3ja ára, hún tók upp sinn 8 ára gamla síma og var nú svolítið stolt af þessum eldgamla Nokia 6150 síma, sem ennþá er hægt að hringja úr og í og senda sms og taka á móti þeim líka. 

Svo var talað um íbúðarlán og bílalán, og var dóttir mín með betri samanburð en þessi karl.  Hún á skuldlausan bíl og var í gær að borga upp skammtímalán sem hún tók fyrir 4 árum.  Þannig að skuldir hennar eru bara eitt húsnæðismálastjórnarlán.    Ein sem er stolf af frumburðinum sínum