Ég er misheppnaður mótmælandi

Ég ætlaði að skreppa á mótmælafund síðdegis í gær, þegar ég var búin að klæða mig almennilega og skunda í bæinn.  Tók ég eftir því að jafn margir voru að fara í bæinn, og úr honum.  Ég var greinilega ekki sú eina sem kom klukkutíma of seint á mótmælin.  Það var verið að taka niður græjurnar í bílnum sem var notaður sem svið, þegar ég kom á svæðið.  Ég skil þetta ekki hversvegna svona fundur var ekki auglýstur betur, ég skoðaði mbl.is visir.is og dv.is til þess að leita af mótmælafundinum.  Á visir.is rakst ég á frétt þess efnis að fundur væri klukkan 16 á Austurvelli.  En þegar ég mæti á svæðið er allt um garð gengið.    Ein sem fékk ekki réttu tölurnar

Athugasemdir

[Jens Guð, 26.10.2008 kl. 02:41]

  Það var eitthvað rugl í gangi með þessa mótmælastöðu.  Sumsstaðar var gefin upp klukkan 15.00.  Annarsstaðar var gefi upp klukkan 16.00 og enn aðrir gáfu upp klukkan 17.00.  Einhverjir töluðu um að klukkan væri miðuð við breskan staðartíma.  Þetta var of ruglingslegt fyrir mig til að ná áttum. 

[Hildur Helga Sigurðardóttir, 26.10.2008 kl. 03:45]

Í einhverjum fréttatíma heyrði ég að einn mótmælafundur ætti að hefjast klukkan þetta og annar klukkan hitt.  Á sama stað. 

Hljómaði nokkuð annarlega.  Voru einhverjir egó-árekstrar þarna á ferðinni ?

Það er auðvitað lágmark að mómælendur sammælist um það hvenær þeir hefja fund -og það hvort þeir ætla þá að vera sundur eða saman