Þeir hafa komið þar sem ég hef aldrei komið, í Þórsmörk

Ég verð nú að segja það að ég hef ekki farið víða hérna á Íslandi.   Ég er fædd hér og uppalin en hef aldrei komið austur fyrir Skógarfoss, í austur.  Svo hef ég komið norður nokkrum sinnum til Akureyrar, Siglufjarðar, Dalvíkur, Ólafsfjarðar, á Hofsós og í Fljótin þar sem dóttir mín býr.  En aldrei hef ég komið austur fyrir Vaglaskóg.  Þannig að ég á eftir að koma á alla staði fyrir austan Skógarfoss sunnan heiðar og austur fyrir Vaglaskóg fyrir norðan. 

 Ég var í sveit þegar foreldrar mínir fóru hringinn árið 1975 ásamt systrum mínum.  Ég hef að vísu komið til Hríseyjar og keyrt alla Vestfirðina sem krakki með mömmu og pabba, ég hef farið í flóabátinn Baldur og siglt yfir Ísafjarðardjúpið fyrir 40 árum síðan. 

Ég hef reyndar skoðað meira af Finnlandi, heldur en Íslandi.  Vinir mínir í Finnlandi eru svo duglegir að keyra mig til þess að ég kynnist Finnlandi betur.  Ég sendi kveðju til Hannele og Ilkka í Finnlandi og segi við þau takk fyrir mig. 

Menn fundust í Básum

Athugasemdir

[Þórarinn Þ Gíslason (IP-tala skráð) 11.12.2008 kl. 05:51]

Sæl Jóna.

Líkt er á komið fyrir mér.

[Linda Linnet Hilmarsdóttir, 11.12.2008 kl. 09:58]

Góðan daginn elsku vinkona og ljúfar kveðjur:):)

[Helen Garðarsdóttir, 11.12.2008 kl. 10:41]

Jóna- þú verður nú að fara bæta úr því! Þetta er alveg yndislegur staður. Annars var þetta vinafólk mitt sem við vorum að sækja, og sáum ekki framá að komast til að sækja þau nema á breyttum jeppum. Til að fara sækja þá fengum við hjálp frá björgunarsveitunum sem stóðu sig eins og hetjur.

aðventukveðja,

Helen

[Sigrún Jónsdóttir, 11.12.2008 kl. 11:30]

Ég skora á þig Jóna að skreppa í Þórsmörkina næsta sumar, þú verður sko ekki svikin af því.  Yndislegur staður.

Þú ert þó búin að hossast um aðalsvæðið, Vestfirðina

[Lísa Björk Ingólfsdóttir, 11.12.2008 kl. 12:02]

Þórsmörk er bara uppáhaldsstaðurinn minn hér á landi.  Þó það sé fallegt víða þá er þessi staður einhvernvegin alveg spes......

[Hólmdís Hjartardóttir, 11.12.2008 kl. 13:26]

Þú verður að bæta úr þessu............þú átt allt það besta eftir

[Tína, 11.12.2008 kl. 23:14]

Ég á flesta þessa staði eftir sjálf.................. og líka Finnland!!

Knús á þig krútta