Skötuveislur

Mér var boðið í skötuveislu í gær, í hádeginu.  Lions klúbburinn á Seltjarnarnesi var með skötuveislu í félagsheimili okkar Seltirninga.  Mér þótt skatan þar frekar bragðdauf.  Ég fékk mér samt tvisvar á diskinn.  Svo þegar ég kom heim voru börnin vonsvikin, þau héldu að þau fengju enga skötu hjá mér.  En ég sagði strax, ekki hafa áhyggjur ég skal elda skötu fyrir ykkur í kvöld áður en ég fer í vinnuna.  Ég fór í fiskbúðina á Nesvegi og keypti skötu og eldaði hana seinnipartinn.  Sú skata var óvenju góð.  Ég og börnin borðuðum vel af skötunni, svo tók ég með mér nesti í vinnuna.  Það var náttúrulega skata, kartöflur og hamsar.  Ég fékk mér skötu um 9 leitið í kvöld í síðasta skiptið þetta árið.     Ein skötukerling

Skötuveisla á Kanarí

Athugasemdir

[Hólmdís Hjartardóttir, 24.12.2008 kl. 02:42]

Var að fá mér kalda

Gleðileg jól mín kæra.

[Jóna Kolbrún Garðarsdóttir, 24.12.2008 kl. 02:44]

Ég á engann Kalda en ég á ennþá Móra sem ég fékk gefins þegar ég fór á bloggvinahittinginn á Selfossi og hitti Tínu og við fórum í Ölvisholt að skoða bruggverksmiðjuna.  

[Jóna Kolbrún Garðarsdóttir, 24.12.2008 kl. 02:59]

OOh ég er svo fattlaus, kalda stöppu eða Kalda bjórinn.  Það ætti að banna mig á blogginu fyrir fattleysi. 

[Hólmdís Hjartardóttir, 24.12.2008 kl. 03:14]

Hahaha varað fá mér kalda skötustöppu

En prófaði hins vegar Jökul bjór úr Stykkishólmi og hann var góður!

[Þráinn Jökull Elísson, 24.12.2008 kl. 14:08]

Skötustappa er æðisleg!

Nafna minn úr Stykkishólmi hef ég hinsvegar ekki prófað.

Bestu kveðjur.