Áramótin nálgast

Þetta er síðasta bloggfærsla mín á þessu ári.  Þetta ár verður lengi í minningum fólks sem árið sem allt hrundi.  Ekki bara bankarnir, traustið á ríkisstjórninni og seðlabankanum, traustið á fjármálaeftirlitinu og öllum útrásarbarónunum.

 Þetta ár var ágætt þar til Geir H Haarde var með blaðamannafundinn og bað guð að blessa okkur, þá hætti mér að lítast á blikuna.  Hann sagði ekkert á þessum blaðamannafundi og ákallaði guð.  Mér datt nú ýmislegt í hug, en ekkert í líkingu við það sem síðan hefur gerst.   Það sem kom mér mest á óvart hversu víðfem þessi samtrygging og spilling er. 

Nú þegar líður að áramótum, þarf ég að huga að dýrunum mínum.  Hundurinn minn er mjög stressaður en kisunum er alveg sama um sprengingarnar.  Ég þarf að sæta lagi að fara út í garð með hundinn minn þegar engar sprengingar heyrast, ef heyrist einn hvellur pissar hann ekki né kúkar  

Samt hefur þetta verið gott ár hjá mér og fjölskyldunni minni, við höfum verið frísk að mestu leiti og sem betur fer hefur allt gengið sinn vanagang, án mikilla vandræða. 

Ég er sátt, og mér líður vel.  Ég óska öllum sem lesa þessa síðu Gleðilegs árs og takk fyrir þetta sem er næstum liðið.

Athugasemdir

[Sigrún Jónsdóttir, 31.12.2008 kl. 09:08]

Takk fyrir stutt en frábær kynni Jóna Kolbrún.  Ég hlakka til frekari samskipta við þig á komandi ári

Þetta var líka árið sem íslenska þjóðin "vaknaði" af værum blundi

[Hrafnhildur Björk Jónsdóttir, 31.12.2008 kl. 13:20]

Takk fyrir, árið elsku Jóna megi það næsta verða þér og þínum gott knúsur að norðan

[Sigrún Aðalsteinsdóttir, 31.12.2008 kl. 22:09]

Já, það er satt hjá þér.  Vesalings ferfætlingarnir okkar eru skelfingu lostniryfir látunum í okkur á gamlárskvöld.  Af fenginni reynslu í gegnum árin, gefum við Zenjór Zansibar róandi á þessum degi en hefðarkötturinn lætur lítið fyrir sér fara enda hefur hann ekki þurft róandi gamlárspillu á sínum 11 árum. Ég veit bara að þeir verða fegnir þegar þetta er alltsaman afstaðið.

Gleðilegt nýtt ár, þetta hlýtur að bezna héðan af

[Linda Linnet Hilmarsdóttir, 1.1.2009 kl. 01:27]

Gleðilegt árið  og takk fyrir það liðnaknús í húsið þitt og ljúfar kveðjur

[Kristín Bjarnadóttir, 1.1.2009 kl. 16:17]

Gleðilegt ár, vona að árið verði þér og þínum gott!