Næsta mál á dagskrá

Kannski væri sparnaður í því að flytja neyðarmóttökuna á Fjórðungssjúkrahúsið á Ísafirði?  Það væri nú aldeilis sparnaður, fólk væri ekkert að fara þangað nema kannski að það væri við dauðans dyr.  Og ef ófært væri til Ísafjarðar t.d. vegna óveðurs, myndi hluti sjúklinga deyja og þar væri stór sparnaður.  Þessi gjörningur að loka St. Jósefsspítala er náttúrulega stórslys.  Hvernig væri að leggja niður svona 10 sendiráð og nota peningana sem spöruðust í heilbrigðiskerfið.  Og hætta framlögum  til stjórnmálaflokkanna.  Hvernig væri að minnka umsvif á Alþingi, leysa aðstoðarmenn alþingismanna frá störfum.  Fækka alþingismönnunum um allavega helming.  Fækka seðlabankastjórum í 1.  Bruðl alþingis og ráðherra er bara til þeirra sjálfra og vina þeirra.  Alltaf er hoggið í sama knérunn þegar spara á.  Láglaunafólkið, öryrkjarnir ellilífeyrisþegarnir og sjúklingarnir borga brúsann.  Enda er hátekjuskattur bara táknrænn, hátekjufólkið er ekki aflögufært.  Það þarf að halda sínum gæðum og óhófi.  Er nokkur furða að fólki sé nóg boðið?  Nei  það er engin furða að mínu mati. 

Eins og maður hafi verið skotinn

Athugasemdir

[Hólmdís Hjartardóttir, 8.1.2009 kl. 02:42]

arrghhh

[Jóna Kolbrún Garðarsdóttir, 8.1.2009 kl. 02:52]

Ég var ekki viss hvernig ætti að skrifa málsháttinn.  Kannski er það svona "höggvið í sama knérunn"  ég er ekki viss

[Júlíus Björnsson, 8.1.2009 kl. 04:32]

Vestfirðingar eiga fá fullan eignarrétt yfir nettó landsframleiðslu sinnar 200 mílna landhelgi. Þá gætu þeir legið á spítala úti á Kanaríeyjum alla æfi og leigt sér erlenda þræla til að vinna skítverkinn í stað þess að láta segja sér að svart sé hvítt. Frumburðarrétturinn er okkar allra.

[Emma Vilhjálmsdóttir, 8.1.2009 kl. 09:05]

Flottur pistill hjá þér... það er löngu orðið tímabært að þessum hálfvitum verði hrint frá völdum.

VIÐ VILJUM LÝÐRÆÐIÐ AFTUR!

[Sigrún Óskars, 8.1.2009 kl. 17:19]

Góðar hugmyndir um sparnað hjá þér, en þú gleymir einu - þú ert ekki að gæta réttra hagsmuna - þú ert að hugsa um almenning í landinu og það má ekki. Ekki í þessari pólitík