Þar sem maður er farinn að sjá skrattann í hverju horni

Þá finnst mér við hæfi að upplýsa okkur skattgreiðendur hvort bankastjórarnir og aðrir yfirmenn hafi þegið bónusa undanfarið ár.  Og þá hversu háa bónusa hver fékk.  Er ekki hægt að láta bónusþegana í öllum bönkunum borga bónusana til baka vegna hraklegrar stjórnunar á bönkunum öllum?  Bónusar eiga kannski rétt á sér þegar vel hefur verið unnið og mikið grætt, en allur skrípaleikurinn í kring um bankahrunið kallar á upplýsingar fyrir okkur lýðinn.   Ég er mjög forvitin. 

Gat ekki staðið við greiðslur

Athugasemdir

[Rakel Sigurgeirsdóttir, 23.3.2009 kl. 01:49]

Það er útlit fyrir að eigendur bankanna hafi verið algert sjálftökulið! Eiginhagsmunaseggir og frekjurassar. Veit að þetta eru stór orð en hvað getur maður sagt miðað við það hvernig allt í kringum rekstur þeirra lítur út? Ef þessir menn hefðu áhuga á að hreinsa sig er þeim í lófa lagið að opinbera bókhald bankanna. Það að þeir gera það ekki rökstyður það sem reynslan og þær litlu fréttir sem almenningur hefur fengið segja okkur.

[Hannes, 23.3.2009 kl. 01:54]

Ég er alveg viss um að það eigi mjög margt eftir að komast á yfirborðið og sumt á því á eftir að draga dilk á eftir sér.

[Óskar Helgi Helgason (IP-tala skráð) 23.3.2009 kl. 01:54]

Heilar og sælar; Jóna Kolbrún og Rakel !

Verulegt athugunarefni; þar á ferð.

Og væri; svo sem, í samræmi við flest annað, minni ykkur á, ágætar umfjallanir Ragnars Þórs Ingólfssonar (ragnar73), spjallvinar míns, um Lífeyrissjóðina, einnig.

Með beztu kveðjum; sem fyrr /

Óskar Helgi Helgason 

[Rakel Sigurgeirsdóttir, 23.3.2009 kl. 02:09]

Óskar! Ég fylgist svo sannarlega með skrifum Ragnars Þórs enda er hann  í eðalflokki! Hann er einn meðal hinna frábæru blogghetja sem ég dáist svo að þessa daganna

[Jóna Kolbrún Garðarsdóttir, 23.3.2009 kl. 02:16]

Ég hef líka lesið blogg Ragnars Þórs, hann er engum líkur.  Sannur hugsjónamaður á ferð þar. 

[Óskar Helgi Helgason (IP-tala skráð) 23.3.2009 kl. 02:32]

Komið þið sælar ;á ný - líka, sem Hannes Adam !

Bið ykkur forláts; ágætu stöllur, Rakel og Jóna Kolbrún.

Ég átti að vita betur; hvar þið eruð einnig, málafylgjukonur góðar, til viðfangsefna margra, á landsins vísu.

Með beztu kveðjum; sem jafnan /

Óskar Helgi Helgason