Varla bara framkvæmdastjórarnir

Geir H. Haarde hefur sagst vera viðriðinn þessa styrkveitingu, en mér leikur forvitni á því að vita hvort Þorgerður Katrín hafi verið fjarrverandi þegar þessir styrkir voru í umræðunni í flokknum.  Varla hefur þetta verið gert á bak við Þorgerði.  Er ekki tímabært að allir sem voru í stjórn FLokksins taki ábyrgð og segi af sér í kjölfarið?  Til þess að bjarga því sem bjargað verður verður fólk í FLokknum að axla ábyrgð á gjörðum sínum. 

Segir báða framkvæmdastjóra hafa vitað af styrkjunum

Athugasemdir

[Jóna Kolbrún Garðarsdóttir, 12.4.2009 kl. 03:09]

Ég óska öllum sem lesa þetta gleðilegra páska. 

[Sigrún Jónsdóttir, 12.4.2009 kl. 10:57]

Gleðilega páska Jóna Kolbrún til þín og þinna

[Rakel Sigurgeirsdóttir, 12.4.2009 kl. 16:19]

Hann er alvarlegur siðferðisbresturinn sem hrjáir þá sem þú bendir á í pistli þínum. Svo alvarlegur að það getur ekki farið fram hjá nokkrum manni. Það er því óskandi að við getum átt gleðilega páska í trausti þess að engum detti í hug að kjósa svo spillt lið til forystu í landinu!

[Jens Guð, 13.4.2009 kl. 01:18]

  Það er ekki gefið að Þorgerður Katrín hafi vitað af mútunum.  Eftir stendur að Kjartan Gunnarsson hefur ítrekað sagt að hann komi af fjöllum.  Hafi aldrei vitað neitt.  Það er klárlega lygi.  Hann hefur enda aldrei svarað beint heldur vísað til þess að hann hafi ekki átt beinan atbeina að mútunum.  Hamrar á því.

  Upplýst er að endurskoðandi FL-okksins gerði á fundi með Kjartani athugasemd við múturnar.

  Guðlaugur Þór kannaðist fyrst ekki við neitt.  Síðan játaði hann að hafa fengið menn til verksins.  Geir Haaarde hefur tekið á sig alla sök og segir enga hafa vitað af gjörningnum.  Það stenst ekki. 

  Sennilega er Andri saklaus af vitneskju um þetta.  Og þó.  Bjarni Ben lét hann taka poka sinn og lýsir því yfir að málinu sé þar með lokið. 

  Nú er upplýst að stjórnarmaður hjá FL-Group,  varaformaður,  sat beggja vegna borðs og afgreiddi mútuféð sem einskonar sjálftöku handa FL-okknum.  Einnig lykilmaður hjá Landsbankanum.  Þar var Kjartan stjórnarmaður. 

  Framhaldið var að skyndilega leiddi Sjálfstæðis-FL-okkurinn FL-Group að borði við að framselja einkaleyfi frá OR til 20 ára til REI og GGE.  Vilhjálmur Þór hefur þó ekki fundið neina minnismiða um það.  Fremur en aðra minnismiða sem hann týndi í því ferli. 

[Jóna Kolbrún Garðarsdóttir, 13.4.2009 kl. 01:52]

Þorgerður veit heldur ekkert um fjármál mannsins sem hún er gift   Manneskjan virðist vera úti á þekju, í ýmsum málum.  Samt var hún kosin varaformaður spillingarflokksins.