Yfirgangur skriffinna?

Hvaða læti eru þetta í umhverfisstofnun að heimta að leyfi verði veitt fyrir hreindýrinu, eða að aflífa það?  Það er ekki eins og þetta sé nýtt, hreindýrið hefur verið þarna í tæpt ár, og er löglegur íbúi hérna á Íslandi, fætt og uppalið.  Þetta góðverk að taka móðurleysingja og ala upp, virðist vera glæpaverk.  Frændi minn tók að sér yrðling fyrir nokkrum áratugum, þá var ekkert svona reglugerðarfólk á hælunum á honum heimtandi leyfi eða aflífun.  Ekki skil ég vandamálið hjá umhverfisstofnun. 

Hóta að aflífa hreindýrskálf

Athugasemdir

[Hildur Helga Sigurðardóttir, 16.4.2009 kl. 01:30]

Nær hefði verið að benda þessu góða fólki kurteislega á, að formsins vegna þyrftu þau að fylla út svo sem eins og eitt eyðublað og láta í póst.   (Til Týnduheindýrskálfadeildarinnar hjá Umhverfisstofnun ?)

Ekki senda ruddalega orðað hótunarbréf.

[Jóna Kolbrún Garðarsdóttir, 16.4.2009 kl. 01:35]

hehe nákvæmlega. 

[Sigurbjörn Friðriksson, 16.4.2009 kl. 01:48]

Fannst þessi kálfur ekki nýfæddur uppá heiði og móðirin hafði yfirgefið hann?  Honum var bjargað og síðan veitt umönnun svo hann drapst ekki. Hann var síðan tekinní fóstur og er nú mannhændur.

Veitti Samband dýraverndunarfélaga þessu fólki viðurkenningu fyrir framúrskarandi frumkvæði í dýravernd og að koma í veg fyrir að nýfæddum hreindýrskálfinum biði ömurlegur dauðdagi úr hungri?

Nei!!  Nú kemur hin höndin frá hinu opinbera og vill drepa kálfinn því ekki eru skrifleg leyfi með opinberum stimpli og undirskrift að geðþótta héraðsdýralæknisins fyrir því að hafa mátt bjarga kálfinum, taka hann í fóstur og ala síðan önn fyrir honum. 

Hvaða lærdómdraga börnin í nágrenninu af þessari uppákomu?  Líklegast, að bera enga virðingu fyrir hinu opinbera sem hagar sér svona. 

Líklegast er litli hreindýrskálfurinn tarfur og því vill Femínasninn umhverfisráherrann láta skera hann!!!  Hann er ekki af réttu kyni!!! 

Kveðja Björn bóndi   

[Jóna Kolbrún Garðarsdóttir, 16.4.2009 kl. 01:59]

Sæll Björn Bóndi hreindýrskálfurinn er reyndar kvíga og heitir Líf.  En ég skil ekki þennan æsing núna, ég sá frétt í haust um umræddan hreindýrskálf.  Núna ætlar umhverfisstofnun að refsa dýravinunum fyrir björgunina. 

[Sigurbjörn Friðriksson, 16.4.2009 kl. 02:23]

Sæl Jóna Kolbrún.  Það er skammarlegt hve langt er síðan ég hef heimsótt þig, en svona er það nú. 

Afi minn sem var prestur ráðlagði mér eina lífsreglu sérstaklega:

Aldrei, undir neinum kringumstæðum ef hægt er, að treysta eftirfarandi aðilum:

1. Aldrei að treysta Bakkusi.

2. Aldrei að treysta stjórnmálamönnum.

3. Aldrei að treysta opinberum starfsmönnum.

4. Aldrei að treysta fjölmiðlamönnum (þá: blaðamönnum)

 (Maður = karlmaður og/eða kvenmaður).

Kær kveðja, Björn bóndi   

[Jóna Kolbrún Garðarsdóttir, 16.4.2009 kl. 02:43]

  Skemmtilegar lífsreglur, sem afi þinn kenndi þér.  Og örugglega mjög þarfar.  Það má samt aldrei setja alla í ákveðnum starfsstéttum undir sama hatt

[Sigurbjörn Friðriksson, 16.4.2009 kl. 03:04]

Það gerði hann og var fastur starfsmaður (ekki hjá ríkinu þó, þótt hann starfaði sem prestur) þar til hann lét af embætti 90 ára gamall.  

Kveðja, Björn bóndi   

[Björn Heiðdal, 16.4.2009 kl. 03:43]

Ekkert stopp og allir í ESB!  Þessar reglur sem banna allt sem ekki er sérstaklega leyft eru atvinnuskapandi.  Þær eiga rétt á sér nú á tímum verðbólgu og atvinnuleysis.  Lengi lifi ESB og reglugerðir!

[Kjartan Pétur Sigurðsson, 16.4.2009 kl. 06:13]

Því miður er Íslensk stjórnsýsla uppfull af svona bulli. Ástæðan er sú að á alþing sofa 63 þingmenn sem eiga að taka á svona málum.