Nú detta mér allar dauðar!!!

Ef ég hefði lýs, væru þær allar dottnar úr hári mínu.  Kannski var hryðjuverkaárás Bretanna óverðskulduð?  Þarf hann herra Brúnn kannski að biðjast afsökunnar?  Þetta leiðindamál með IceSave var náttúrulega bara svikamilla, en fólki var talin trú um það að betri ávöxtun væri þarna en gengur og gerist.  Einhver hefði þurft að segja fólkinu sem lagði peningana sína inn á IceSave reikninga, að það væri áhættuinnlögn.  Ef eitthvað er of gott til þess að vera satt, er það venjulega raunin. 

Óvænt fé í íslenskum banka

Athugasemdir

[Hólmfríður Bjarnadóttir, 19.4.2009 kl. 04:07]

Ég man ekki betur en einhver skynsamur maður hafi sagt rétt eftir hrunið að það mundi fást að mestu og kannski alveg fyrir þessum innistæðum þegarfarið væri að selja eignir erlendis. Þetta kemur mér því ekki á óvart. Það var bara svo miklu hentugra fyrir mótmælendur og svatrsýnisfólk að trúa hinu, svo þetta álit var bara skotið í kaf. Það er samt að koma úr kafinu núna og reyndar vonum fyrr en ég bjóst við.

[Sigurður Þórðarson, 19.4.2009 kl. 07:33]

Hólmfríður, það hefur reynst þjóðinni dýrt að hlusta á "skynsama menn" eins og þú segist gera. Það verður alveg nógu dýrt fyrir okkur að borga það sem út af stendur. Þessar upphæðir eru gríðarlegar og miklu hærri en íslenskur efnahagur.  Skaðinn væri minni ef ráðherrar hefðu ekki lofsungið bankana sem studdu flokkssjóði þeirra og prófkjörsbaráttu.  Við hefðum svo verið skaðlaus ef hér hefði verið fjármálaeftirlit.

[Sigurður Þórðarson, 19.4.2009 kl. 07:42]

P.S.

Hólmfríður  ég heimsótti bloggsíðuna þína  og sé að ég hef  óvart "nefnt snöru í hengds manns húsi".  Það var ekki síst ISG sem hældi útrásarbönkunum og sníkti af þeim pening.