Heilsugæslan og fólkið

Ég hef lesið umræðu hérna á blogginu í vetur sem leið um heilsugæsluna hérna á Íslandi.  Dóttir mín 19 ára fór í heilsugæsluna hérna á Seltjarnarnesi á föstudaginn.  Hún fékk greiningu um þvagfærasýkingu og fékk fúkkalyf til þess að vinna bug á sýkingunni.  Á laugardaginn skrapp hún með systur sinni í sveitina og varð hún bara veikari og veikari, á umræddu fúkkalyfi.  Þær systur komu heim um þrjúleitið í gærdag.  Stelpan virtist vera fárveik og sagði ég henni að fara beint í rúmið.  Hún lagði sig í rúmann klukkutíma og kom svo fram, kaldsveitt og leið greinilega mjög illa.  Ég sagði henni að drífa sig á læknavaktina strax sem hún gerði.  Hún er núna í innlögn á sjúkrahúsi með fúkkalyf í æð.  Mínar spurningar eru þessar.  Hversvegna varð hún veikari og veikari á fúkkalyfinu sem hún fékk á föstudaginn?   Eru fúkkalyf sem fólk fær uppáskrifuð hjá læknum léleg? 

Athugasemdir

[Rakel Sigurgeirsdóttir, 1.6.2009 kl. 02:59]

Vonandi getur læknirinn hennar á sjúkrahúsinu svarað því hvers vegna lyfið sem heilsugæslulæknirinn skrifaði upp á fyrir hana virkaði ekki. Vona að dóttur þinni batni fljótt og vel.

[zappa (IP-tala skráð) 1.6.2009 kl. 03:05]

hefur ekki eitthvað verið ofnæmisvaldandi fyrir hana í fúkkalyfinu sem hún fékk á föstudeginum?vona að henni batni sem fyrst.

[Jóna Kolbrún Garðarsdóttir, 1.6.2009 kl. 03:17]

Stelpan hefur allavega ekki mér vitandi ofnæmi fyrir neinum lyfjum.  Ég hafði heyrt sögur um léleg fúkkalyf á markaðinum hérna á Íslandi. 

[Hólmdís Hjartardóttir, 1.6.2009 kl. 04:14]

nei.....málið er það að læknirinn hefur valið breiðvirkt sýklalyf sem virkar á flestar bakteriur sem valda þvagfærasýkingum. Það tekur 2-3 daga að fá svör ef sent er þvag í ræktun....og því þarf oft að skipta um sýklalyf þegar niðurstöður rannsókna eru ljósar.  Veit reyndar ekki hvort sent var sýni í þessu tilfelli. En ekkert eitt lyf virkar á allar bakteríur. Vonandi hressist stelpan.

[Lilja Guðrún Þorvaldsdóttir, 1.6.2009 kl. 16:17]

Ég tek undir það sem Hólmfríður segir hér fyrir ofan.

   En þú skalt endilega spurja lækninn sjálf, skrifaðu niður spurningarnar, og fáðu svör við þeim.  - Því það er svo skrítið að oft fær "unga fólkið" okkar ekki þá þjónustu sem það á að fá, sökum ungs aldurs í útliti -  

 Og tala ég þá af reynslu, eina ráðið til að fá skýr svör er að skrifa niður spurningar, og skrifa eftir læknunum svörin, þá vanda þeir sig, og tala skýrt. 

[Jóna Kolbrún Garðarsdóttir, 1.6.2009 kl. 23:56]

Ég veit að læknirinn sem lagði hana inn á slysavarðstofunni í gær, undraðist hvaða lyf hún hafði fengið hjá heilsugæslulækninum.  Svo þurfti hún að borga 6000 krónur í morgun, það var eitthvað skoðunargjald.  Í gamla daga þurfti maður ekki að borga neitt ef maður var lagður inn.  Það eru breyttir tímar. 

[Hildur Helga Sigurðardóttir, 2.6.2009 kl. 05:04]

Ísland; lyfleysuland þriðja mannsins ?

Bendi á þessa nýlegu færslu hjá mér. Kær kv. HHS