Gönguferð í Grasagarðinum

Ég og frumburðurinn fórum í kvöldgöngu í Grasagarðinum í Laugardal.  Við reynum að fara á hverju ári til þess að skoða plönturnar.  Það var svolítið sérstakt að ganga þar í kvöld, það voru fjúkandi einhverjar hvítar dúllur og sumstaðar var eins og þar hefði snjóað, þar fyrir ofan voru Aspartré full að einhverju mjög loðnu og sumstaðar voru raðir af grænum berjum.  Ætli þetta hafi verið Alaskaaspir?  Farnar að framleiða fræ? 

Svo sáum við mjög falleg sólblóm, en bara 30 cm. há.  Á morgun ætla ég að fara í grasagöngu hérna á Seltjarnarnesi og safna Gulmöðru, hana ætla ég að þurrka í knippum og búa mér svo til te.  Gulmaðran er víst svo þvagdrífandi, blóðhreinsandi og græðandi

Stefnir í heitasta dag sumars

Athugasemdir

[Jóna Kolbrún Garðarsdóttir, 13.7.2009 kl. 01:23]

Svo væri náttúrulega sniðugt að ná sér í Blóðberg sem losar um slím í öndunarfærum og eyðir líka vindverkjum.  Og Vallhumal sem er æðavíkkandi og lækkar blóðþrýsting, allar þessar jurtir er að finna í móanum við Bakkavörina og á Valhúsahæðinni.