Ótrúleg vinnubrögð barnaverndarnefndar Reykjavíkur

Mér finnst það alvarlegur glæpur að ekki sé fylgt ákvæðum barnaverndarlaga.  Ég skil ekki hvernig hægt er að taka barn frá fjölskyldu sinni og setja til vandalausra án forsjársviptingar.  Ég hef bara eina spurningu til barnaverndarnefndar Reykjavíkur, er væntanlegt fósturforeldri drengsins ættingi einhvers í barnaverndarnefndinni?  Ég hef heyrt sögur á götunni að allskonar "skyldmenni"  og fólk sem er "innundir" hjá barnaverndarnefnd fái fósturbörn eftir pöntun?  Ætli þetta sé raunin í þessu tilviki?? 

Ákvæðum laga ekki fylgt

Athugasemdir

[Jóna Kolbrún Garðarsdóttir, 12.11.2009 kl. 02:30]

http://www.hinhlidin.com/    <- Þetta er síða þar sem ýmislegt kemur í ljós. 

[Ásthildur Cesil Þórðardóttir, 13.11.2009 kl. 11:48]

 Ég á ekki orð yfir þessu, hlustaði á lögmann ömmunnar í kastljósi.  Þetta er sárt að vita af.  Og ég skil ekki hvað er málið.  Ég þekki til hjá mér sjálfri og þar hafa þeir sem með málið fóru verið yndislegt fólk og unnið af kærleika og umhyggju fyrir barninu fyrst og fremst.  Þetta fólk mætti ef til vill læra eitthvað af þeim. 

Knús á þig inn í daginn.

[Sigrún Aðalsteinsdóttir, 13.11.2009 kl. 22:03]

Mér finnst merkilegt til þess að hugsa að sumir fósturforeldrar fái allt að tífalt meðlag með fósturbörnum.  Það er rúmlega 210 þúsund á mánuði, skattfrjálst.  Þannig að ekki eru allir að þessu af hreinni manngæsku. 

Hitt er svo annað mál að hægt er að véfengja úrskurði barnaverndarnefnda bæði til Barnaverndarráðs Íslands, félagsmálaráðuneytis og nú hin síðari ár, Barnaverndastofu Íslands. Þess vegna er oft þrautalending hjá fólki í þessari aðstöðu að fara í felur með börn sín (eða barnabörn) á meðan endanlegur úrskurður fæst. Það veit ég vegna eigin reynslu, sem ekki verður tíunduð hér. 

Að sjálfsögðu er best fyrir barnið að vera hjá ættingjum, ef þess er nokkur kostur, þar sem það getur haft umgengni við foreldri sitt.

[Helga Kristjánsdóttir, 14.11.2009 kl. 01:35]

Sorglegt, fyrir liklega 12 árum bað kunningjakona mín mig að keyra sig upp í Kjós, þar sem frændi hennar  5ára   var vistaður vegna fíkniefnaneyslu móður hans.   Þessi kona   hafði sótt um að fá að hafa hann hjá sér,en var ekki  heimilað..     Ég gleymi þeirri hryggð aldrei,sem ég varð vitni að,          barnið sleppti ekki þessari konu,sem er ömmusystir hans. Hann grét svo átakanlega ,hélt báðum höndum um háls hennar (ég tárast núna eftir öll þessi ár) Kolla taktu mig með,ekki fara,gerðu það. Tak hans var svo fast í örvæntingu,man ekki hvernig við komumst til baka. Meira get ég ekki sagt,en þetta innlegg vænti ég að,við,þið  höfum áhrif á breytingar á barnaverndarlögum,Allir geta séð að svona skal ekki standa að málum. alla vega mín skoðun. P.S. var oft búin að vra hjá ömmusystur sinni heilu mánuðina.