huxa

3.1.2010 | 03:03

Ég er ekki þjóðin

Björn Valur Gíslason talar niður til okkar sem skrifuðum undir þessa áskorun og niður til Ólafs Ragnars Grímssonar. Það er náttúrulega vitað að ekki voru kannski allir sem á þessa undirskriftalista rötuðu með kosningarrétt. En nógu margir voru þeir, og það mark takandi á því.

Mér finnst það bara ágætt að Ólafur Ragnar hafi tekið sér smá tíma til þess að hugsa málið. Ég er samt svartsýn á það að hann neiti að staðfesta lögin. Ég held að þori ekki að standa á móti stjórninni, sérstaklega þar sem hann er gallharður vinstri maður. Kannski hefur það breyst í áranna rás en ég held að hann sé gunga og geri eins og stjórnin segir honum að gera.

	Segir forsetann taka undarlegan pól í hæðina
Ábyrgðarmaður færslu Tilkynna um óviðeigandi tengingu við frétt

Flokkur: Dægurmál | Facebook

Athugasemdir

Það eru nú nokkrir InDefencemenn úr röðum V.G. og minnsta kosti 2 þingmenn sem vilja þjóðaratkvæði.

Helga Kristjánsdóttir, 3.1.2010 kl. 03:38

Ólafur Ragnar er heiðvirður maður með mikla reynslu og hann mun ekki gera það mistök að hafna frumvarpinu. Hann skrifar undir.

Hólmfríður Bjarnadóttir, 3.1.2010 kl. 05:31

var hann ekki búinn að skrifa undir í haust þegar hann tók það fram að fyrirvararnir sem stjórnarandstaðan og inDefence hópurinn komu inn í lögin væru ástæða þess að hann skrifaði undir.

Ef hann skrifar undir núna þá er hann endanlega búinn með það litla sem eftir var af trúverðugleikanum - ef eitthvað var þá eftir.

Hann á jú sinn stóra þátt í útrásinni

Ólafur Ingi Hrólfsson, 3.1.2010 kl. 07:12

Mér finnst að virða eigi skoðanir okkar allra, með eða á móti og finnst sorglegt hvað er komin mikil reiði og skítkast í umræðuna. Heilu fjölskyldurnar loga af "með eða á móti" umræðu. Ég er hræddust við hvað umræðan veldur miklum klofningi. Isesave er orðið eins og Íslendingasög!

Jóhanna Magnúsdóttir, 3.1.2010 kl. 07:49